Talabalardan iborat yangi BPT tashkil qilindi

“Adolat” SDP Buxoro viloyat Kengashi tomonidan safimizni yangi partiya aʼzolari bilan kengaytirishga alohida eʼtibor qaratilmoqda.Bu borada “Partiya patronaji” loyihasi doirasida olib borilayotgan ishlar fikrimizning tasdigʻidir.

Loyiha doirasida partiyaning viloyat Kengashi raisi oʻrinbosari Rauf Suvonov tomonidan viloyatda joylashgan TIQXMMI MTU Buxoro tabiiy resurslarni boshqarish institutida 10 nafar aʼzoni birlashtirgan yangi BPT tashkil etildi. Boshlangʻich partiya tashkilotiga rais etib mazkur oliygohning talabasi Salohiddin Abduraimov tayinlandi. Yangi qabul qilingan aʼzolarga viloyat Kengashi raisi oʻrinbosari R.Suvonov tomonidan partiyaga aʼzolik guvohnomalari tantanali ravishda topshirildi.

Shuningdek, partiyaning dasturiy maqsad va gʻoyalaridan kelib chiqib kelgusidagi amalga oshiriladigan vazifalar belgilab olindi.

Mohigul Rahimqulova,

“Adolat” SDP Buxoro viloyat Kengashi matbuot kotibi.