Talabalarning vatanparvarlik tuygʻulari oshirildi

9-may “Xotira va qadrlash kuni” munosabati bilan joylarda urush faxriylari hamda uzoq yillar turli sohalarda mehnat qilgan faxriylar, el orasida eʼzoz topgan insonlar xotirasiga bagʻishlab oʻtkazilayotgan tadbir, uchrashuv va davra suhbatilar ishtirokchilar qalbida vatanparvarlik tuygʻularining mustahkamlanishiga xizmat qilmoqda.

Urganch davlat universiteti Pedagogika hamda Tabiiy fanlar fakultetida partiyaning Xorazm viloyat hamda Urganch shahar Kengashlari hamkorligida “Tinchlik Oliy neʼmat”mavzusida tashkil etilgan maʼnaviy maʼrifiy tadbir ham tinch va farovon hayotimizni koʻz qorachigʻiday asrashda yoshlarning munosib oʻrnini mustahkamlashda ahamiyatli boʻldi.

Tadbirda soʻzga chiqqan partiyaning Urganch shahar Kengashi raisi, jangchi faxriy Rustam Boltayevning 1981-1983-yillarda Afgʻon janggohlarida oʻz yigitlik burchini ado etish vaqtidagi mudhish kunlar, boshidan oʻtgan ogʻir kechinmalar toʻgʻrisida gapirib, ishtirokchi talabalarni tinchligimizni asrab-avaylashga, qadriga yetishga chaqirdi.

Mamlakatimizda olib borilayotgan islohotlar, yoshlarga qaratilgan va yaratilgan eʼtibor va imkoniyatlar, yangi qabul qilingan xalq Konstitutsiyasining inson qadr-qimmati va shaʼnini, oliy neʼmatimiz boʻlgan tinchligimizni mustahkamlashdagi ahamiyati   toʻgʻrisidagi fikr va mulohazalar talabalarning diqqat markazidan joy oldi.

Bayramona tadbirlar ishtirokchilarning qizgʻin fikr va mulohazalari hamda savol-javoblar asosida qiziqarli kechdi.

                                                                                                    Zamira Abdullaeva

           “Adolat” SDP Xorazm viloyat Kengashi matbuot kotibi.