Targʻibot tadbirlari davom etmoqda

“Yangilanayotgan Konstitutsiya adolatli jamiyat qurish yoʻlidagi ulkan qadamdir” shiori ostida oʻtkazilayotgan tadbirlarning borishi davom etmoqda. Xususan, Sergeli tibbiyot kollejida konstitutsiyaviy islohotlar mazmun-mohiyati, xususan, yangilanayotgan Konstitutsiyada jamiyatning barcha qatlamlari manfaatlari inobatga olinganligi borasida tadbir tashkil etilib, unda 28-Yoʻldosh saylov okrugidan saylangan xalq deputatlari Toshkent shahar kengashi deputati Tursunov Sobir Turdiyevich ishtirokchilarga batafsil nutq soʻzladi. Shuningdek, “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy qonuni loyihasining mazmuni va mohiyatini tushuntirish boʻyicha Olmazor tumanida oʻtkazilgan tadbirda Oʻzbekiston Respublikasi Oliy Majlis Senatining Yoshlar, madaniyat va sport masalalari qoʻmitasi raisining oʻrinbosari senator D.G.Tashmuhamedova, senator R.A.Kalanov, Oʻzbekiston Respublikasi Oliy Majlisi Qonunchilik palatasi deputati, Fan, taʼlim, madaniyat va sport masalalari qoʻmitasi raisi E.A.Zohidov, Oʻzbekiston Respublikasi Oliy Majlis Qonunchilik palatasi deputati X.D.Doʻstmuhammedov, Xalq deputatlari Toshkent shahar Kengashi deputati L.A.Xikmatovalar boshchiligida Olmazor tumani hokimi A.Sh.Umarxonov, Xalq deputatlari Olmazor tuman Kengashi deputatlari, MFY raislari, yetakchi mutaxassislari, targʻibot guruhi aʼzolari hamda tuman tashkiliy masʼullari ishtirok etishdi.

Yakkasaroy tumanidagi “Boshliq” MFYda “Adolat” SDP Yakkasaroy tuman Kengashi raisi F.Saidov, xalq deputatlari Yakkasaroy tuman Kengashi deputati M.Axmatov hamda mahalla raisi va faollari ishtirokida ham konstitutsiyaviy qonun loyihasi boʻyicha targʻibot tadbiri va ochiq muloqot tashkil etildi.

Yunusobod tumanidagi Toshkent pediatriya tibbiyot institutida “Adolat” SDP Yunusobod tuman Kengashi raisi A.Nosirov, xalq deputatlari Yunusobod tuman Kengashi deputatlari hamda institut talabalari va faollari ishtirokida ham shu kabi targʻibot tadbirlari oʻtkazildi.

Mehriniso Yakubova,

“Adolat” SDP Toshkent shahar Kengashi matbuot kotibi.