Targʻibot tadbirlari talabalar ishtirokida oʻtkazildi

Oliy Majlis Qonunchilik palatasi deputati Oydin Abdullayeva, Xalq deputatlari Toshkent shahar Kengashi deputati Tashpoʻlat Matibayev hamda Xalq deputatlari Mirobod tuman kengashi deputatlari ishtirokida Toshkent Temiryoʻl kollejida “Yangi Oʻzbekistonda — Yangi Konstitutsiya bilan” mavzusida tadbir oʻtkazildi. Tadbir davomida talabalarga yangi Konstitutsiyaning mazmun-mohiyati, uning ijtimoiy yoʻnalishi toʻgʻrisida maʼlumotlar berildi. Shuningdek, shu kabi tadbir Toshkent davlat pediatriya instituti talabalari va professor-oʻqituvchilari bilan ham tashkil etildi. Unda deputat O.Abdullayeva “Inson – jamiyat – davlat” tamoyili asosida fuqarolarimiz huquq va manfaatlari himoyasini mustahkamlash maqsadida Konstitutsiyamizga kiritilayotgan oʻzgarishlar haqida maʼlumot berdi.

Tadbirda soʻzga chiqqanlar yangilanayotgan Konstitutsiyaning insonlar hayotida tutgan oʻrni, unga kiritilayotgan yangi qoʻshimchalar va ularning ahamiyati haqida gapirdilar. Shuningdek, xalqimizni 30-aprel kuni oʻtkazilishi kutilayotgan Referendumda faol ishtirok etishga chaqirdilar.

Mehriniso Yakubova,

“Adolat” SDP Toshkent shahar Kengashi matbuot kotibi.