Tibbiyot xodimlari bilan Referendum yuzasidan targʻibot uchrashuvi oʻtkazildi

Oliy Majlis Qonunchilik palatasi deputati E.Borisova Oʻzbekiston Respublikasi Sogʻliqni saqlash vazirligining 1-sonli Respublika klinik shifoxonasi xodimlari bilan yangilanayotgan Konstitutsiya yuzasidan Referendumga bagʻishlangan yigʻilish oʻtkazdi. Unda yangi Konstitutsiyaning mazmun-mohiyati, uning ijtimoiy yoʻnalishi, Konstitutsiyaning asosiy boʻlimlari va normalari, uning xalq hayotidagi ahamiyati haqida maʼlumotlar berildi,

Shuningdek, Respublika oʻrta tibbiyot va farmatsevtika xodimlari malakasini oshirish va ularni ixtisoslashtirish markazida “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy qonuni loyihasining mazmuni va mohiyatini tushuntirish boʻyicha targʻibot tadbiri oʻtkazildi.

Tadbir davomida deputat Е.Borisova yigʻilish ishtirokchilariga Konstitutsiyamizga kiritilayotgan oʻzgarishlar haqida atroflicha maʼlumotlar berdi. Shu bilan birga, 30-aprel kuni oʻtkazilishi kutilayotgan Referendumda faol ishtirok etishga chaqirdi.

Mehriniso Yakubova,

“Adolat” SDP Toshkent shahar Kengashi matbuot kotibi