Tozalik yoʻlida birlashaylik!

Xalqimiz asrlar davomida tozalik, ozodalikka qattiq rioya qilib kelgan. Chunki, obodlik koʻngildan boshlanadi. Zero, obod makonda ish unumli va barakali boʻlish bilan birga obod boʻlgan joyda farovonlik hukm suradi.

Mamlakatimiz mustaqilligining 32- yilligiga munosib taraddud koʻrish va uni munosib nishonlash, hududlarda obodlik hamda koʻrkamlikni taʼminlash maqsadida, Quvasoy shahridagi barcha qishloq va mahallalarda keng qamrovli obodonlashtirish tadbirlariga kirishildi. Bu borada “Adolat” SDP faollar barchaga ibrat koʻrsatib mehnat qilishyapti.

Obodonlashtirish ishlari jarayonida mahallalar, aholi punktlari, koʻp qavatli uylar, hovlilar atrofi, ziyoratgoh va qabristonlar, bogʻ va sayilgohlarni tartibga keltirish, chiqindilarni belgilangan joyga chiqarib tashlash, koʻchalarni taʼmirlashga alohida eʼtibor qaratilmoqda.

                                                    Dilobar Mirzaeva

                                “Adolat” SDP Quvasoy shahar Kengashi raisi.