Vatan kelajagi yoshlar qoʻlida

Oʻzbekiston Respublikasi Prezidentning 158 sonli farmoni bilan “Oʻzbekiston – 2030” strategiyasi tasdiqlandi hamda uni 2023 yilda oʻz vaqtida va sifatli amalga oshirish boʻyicha qarori qabul qilindi. Unga koʻra, 2023-2024 oʻquv yilidan boshlab umumiy oʻrta taʼlim muassasalarining kasb-hunar egasi boʻlish istagidagi 10-sinf oʻquvchilari uchun tegishli hududlarda talab yuqori boʻlgan kasb- oʻrgatish kurslari joriy etilishi belgilab qoʻyilganligi yoshlarimiz uchun yangi –yangi imkoniyatlar eshigini ochmoqda.

Joylarda uchrashuvlar, tadbirlar tashkil etib borar ekanmiz, mamlakatimizda yoshlar uchun yaratilayotgan cheksiz imkoniyatlardan qalbimiz gʻururga toʻladi.

Fargʻona viloyat hokimi Xayrullo Bozorov boshchiligidagi Fargʻona viloyati delegatsiyasining 2022 yil 5-11 dekabr kunlari Yaponiyaga amaliy tashrifi doirasida Tokio shahridagi Fujimigaoka maktabida olib borilgan oʻrganishlar hamda muloqotlar natijasida, taʼlim va tarbiyani uygʻun holda olib borib, bolalarni hayotga tayyorlashni asosiy maqsad qilgan Yaponiya taʼlim tizimini viloyatimizda sinov tariqasida joriy etish maqsadida viloyatdagi 18 ta umumiy oʻrta taʼlim maktablari tanlab olingan. Yapon taʼlim tizimini sinov tariqasida tanlab olingan maktablardan biri bizning Toshloq tumanidagi 2-umumiy oʻrta taʼlim maktabdir.

Maktabda yapon taʼlimi tajribasi namuna sifatida boshlangʻich 20 ta sinflardagi 545 oʻquvchilarga tatbiq etiladi. Maktabdagi 1341 nafar oʻquvchining qoʻl telefonlarini joylashtirish uchun qutilar, 545 nafar oʻquvchi uchun oyoq kiyimlarini taxlash uchun 20 ta javon, oʻquvchilarni qoʻl yuvishlari uchun 14 ta boshlangʻich sinf binosida qoʻl yuvish, 5 dona idish yuvish moslamasi, sinf xonalarda oʻquvchilarning har bir dars mashgʻulotlarda olgan bilimlarini mustahkamlash maqsadida 9 ta sinf xonasiga elektron doska, 5 ta sinf xonasiga magnit doska hamda 43 dyuymli qoʻshimcha televizor oʻrnatilgan.

Oʻquvchilarda mehnat qilish koʻnikmalarini shakllantirish maqsadida barcha sinf xonalariga tozalov vositalari, maktab hududidagi ekin yerlarni sinflarga biriktirilgan, shuningdek, mehnat qurollari bilan taʼminlangan.

Mana shunday sharoitlarda taʼlim olayotgan yoshlarimizning quvonchi, ota –onalarning minnatdor soʻzlarini eshitish maroqli. Ishonchimiz komiki, Yangi hayot uchun, Yangi Oʻzbekiston uchun shiorini qalbida mujassam etgan yoshlarimizning kelajagi bugungi kundan-da porloq boʻladi.

                      Farhodjon Alijonov,

        “Adolat” SDP Toshloq tuman Kengashi raisi.