Vatan taraqqiyoti yoʻlida birlashamiz

Fargʻona politexnika institutida Shuhrat medali sohibasi, Fargʻona shahar “Ibratli bekam” nodavlat taʼlim muassasa rahbari, Fargʻona “Roza-Al” xususiy korxonasi rahbari, Adolat SDP Fargʻona viloyat Kengashi raisi Shahnoza Gʻaniyeva bilan institut talabalari ishtirokida Tadbirkorlar bilan ochiq muloqot: yoshlar uchun imkoniyat, imtiyoz va tashabbus shiori ostida “Tadbirkor va yoshlar” uchrashuvi tashkil qilindi.

Davra suhbati avvalida Yoshlar masalalari va maʼnaviy-maʼrifiy ishlar boʻyicha birinchi prorektor Sh.Dehkanov Prezidentimizning doimo ayollarni qoʻllab-quvvatlash, har tomonlama koʻmak berishga qaratilgan tashabbuslari bugun minglab xotin-qizlarning qalbida ishonch, shijoat hamda minnatdorlik tuygʻularini uygʻotayotganligini alohida eʼtirof etdi.

Samimiy muloqotda tadbirkor Sh.Gʻaniyeva faoliyati, muvaffaqiyat sirlari, oʻz tajriba maktabi bilan bilan oʻrtoqlashdi. Shuningdek, talaba-qizlarni qiziqtirgan savollarga tadbirkor va partiya yetakchisi   batafsil javob berdi.