Viloyat Konferensiyasiga delegatlar saylab olinyapti

Oʻzbekiston “Adolat” SDP Denov tuman Kengashining navbatdagi konferensiyasi boʻlib oʻtdi. Tadbirda partiya faollari, deputatlar, BPTlarning umumiy yigʻilishlarida saylangan delegatlar ishtirok etishdi. Bugungi kunda Denov tuman Kengashi tarkibida 60 ta boshlangʻich partiya tashkilotlari mavjud boʻlib, oʻz safiga 7500 dan ortiq partiya aʼzolarini birlashtirgan.

Mazkur yigʻilishda partiya tuman Kengashidan viloyatning navbatdagi Konferensiyasiga ishtirok etish uchun delegat saylab olish masalasi muhokama qilindi.

 Alisher Yoʻldoshev, Xalq deputatlari Denov tuman Kengashi deputati:

Partiyamiz tomonidan yurtimiz tinchligi va uning ravnaqiga, xalqimiz farovonligiga xizmat qiladigan yangi gʻoya va tashabbuslar bilan maydonga chiqadigan munosib nomzodni koʻrsatilishi mamlakatimiz demokratik taraqqiyot yoʻlini qatʼiy davom ettirishga xizmat qilishi shubhasiz. Deputatlarimiz va faollarimiz xalqimiz oʻrtasida keng koʻlamda tushuntirish-targʻibot ishlarini boshlab yubordilar. Asosiy maqsad – xalqimiz oʻz huquqlarini, huquqiy kafolatlarni teran anglab, ulardan samarali foydalana olishiga erishish, Yangi Oʻzbekiston ulugʻvor gʻoyasiga hamohang tarzda roʻyobga chiqarish, fuqarolar mamlakatimizda amalga oshirilayotgan islohotlarni oʻz hayotida yaqqol his etib turishini taʼminlashga qaratilgan.

Konferensiya yakunida tuman Kengashidan viloyat konferensiyasida ishtirok etish uchun 3 nafar delegat saylandi. Yigʻilish soʻngida kun tartibidan oʻrin olgan masalalar yuzasidan qarorlar qabul qilindi.

Gulshod Tursoatova,

Oʻzbekiston “Adolat” SDP Surxondaryo viloyat Kengashi matbuot kotibi.