Xorazmda ayollar orasida onkologik kasalliklarning oldi olinmoqda

Oʻzbekiston Respublikasi Prezidentining 2021-yil 27-maydagi “Aholiga gematologiya va onkologiya xizmatlarini koʻrsatish tizimini yanada takomillashtirish toʻgʻrisida” gi PQ – 5130 — sonli Qarorining ijrosi yuzasidan RIOvaRIATM Xorazm filialiga 2023-yilning 26,27,28 –yanvar kunlari Respublika ixtisoslashtirilgan onkologiya va radiologiya ilmiy-amaliy tibbiyot markazidan bir guruh yetakchi mutaxassislar, jumladan, filialga biriktirilgan masʼul xodim Respublika bosh rentgenologi Xamid Matyusupov, RIOvaRIATM tayanch harakat tizimi oʻsmalari onkolog mutaxassislari t.f.n. Xurshid Abdikarimov va Rasul Davletov, RIO va RIATM patomorfologiya boʻlimi shifokori Roman Matrasulovlar tashrif buyurishib, filialda davolanayotgan 3 nafar bemorga yuqori texnologik jarrohlik amaliyotini amalga oshirishdi. Shuningdek, tajribali jarrohlar yumshoq toʻqima oʻsmalarida zamonaviy “Argon plazmali koagulyator” yordamida murakkab jarrohlik amaliyotlarini bajarib mahorat darslarini oʻtkazishdi.

Yaqinda filialga olib kelingan zamonaviy immunogistoximiya tekshiruv apparatida RIOvaRIATM patomorfologiya boʻlimi shifokori ishtirokida 12 ta immunogistoximik tekshiruvlar oʻtkazilib amaliy yordam koʻrsatildi.

Mutaxassislar Xorazm viloyati aholisiga sifatli onkologik xizmat koʻrsatish va hozirda viloyatda 45-65 yoshli ayollar orasida sut bezi saratonini oldini olish va erta tashxislash uchun oʻtkazilayotgan mammoskrining tekshiruvlarini yanada jadallashtirish maqsadida tumanlarga chiqib tibbiy koʻriklarda qatnashishdi, tuman tibbiyot birlashmalaridagi onkolog, ginekolog, sitolog mutaxassislariga, umumiy amaliyot shifokorlari va hamshiralarga seminar-treninglar oʻtkazishdi.

Ommaviy oʻtkazilayotgan mammoskrining tekshiruvlarida aniqlangan sut bezi saraton oldi kasalliklari va saratonga gumon boʻlgan ayollarni viloyatimizga yangi berilgan zamonaviy mobil mammograf apparatida Respublika bosh rentgenologi Xamid Matyusupov ishtirokida mammografiya tekshiruvlaridan oʻtkazildi va raqamli mammografiyada Xorazm viloyatida birinchi marotaba tonosintezli mammografiya tekshiruvi oʻtkazildi va yoʻlga qoʻyildi.

Maʼlumot oʻrnida, 2023-yilning oʻtgan davri mobaynida viloyat boʻyicha xavf guruhi boʻlgan 45-65 yoshli 30 mingdan ortiq ayollar ommaviy mammoskrining tekshiruvlaridan oʻtkazildi. Bunda 800 nafar saraton oldi kasalliklari va 8 nafar sut bezi saratoni erta bosqichlarda aniqlandi, bemorlar nazoratga olinib, oʻz vaqtida davolash va sogʻlomlashtirish choralari koʻrilmoqda.

Bir soʻz bilan aytganda, onkologiya sohasida amalga oshirilayotgan islohotlar fuqarolarning sogʻlom hayot kechirishida xizmat qilmoqda.

Taxir Palvanov,

RIOvaRIATM Xorazm filiali direktori,

“Adolat” SDP Xorazm viloyat Kengashi raisi, 

deputat