Xorazmda ibratli oilalar soni ortib bormoqda

Maʼlumki, 15-may- “Xalqaro oila kuni” mamlakatimiz boʻylab keng nishonlanmoqda.Sana munosabati bilan   Urganch shahar hokimligi, Oila va xotin — qizlar boʻlimi hamda “Adolat” SDP Urganch shahar Kengashi hamkorligida Urganch davlat universitetida “Yangi Oʻzbekistonning ibratli oilasi” respublika koʻrik — tanlovining Urganch shahar bosqichi yuqori darajada tashkil etildi. Tanlovga urganchlik faol xotin-qizlar, ibratli oila aʼzolari, mutasaddilar, partiya faollari hamda OAV vakillari ishtirok etishdi. Koʻrik- tanlovni Urganch shahar hokimi oʻrinbosari, Oila va xotin — qizlar boʻlimi boshligʻi Barno Berdiyeva kirish soʻzi bilan ochib, mamlakatimizda oilalar farovonligi, xotin-qizlarning oila va jamiyatda munosib oʻrinlarni egallashi uchun yaratilayotgan sharoitlar va berilayotgan imkoniyatlar, olib borilayotgan islohotlar xususida soʻz yuritdi.

Shu oʻrinda taʼkidlandiki, va mazkur koʻrik-tanlov ham mamlakatimizda umuminsoniy, milliy va oilaviy qadriyatlarni mustahkamlash, “Farovon oila sari” konseptual gʻoyasini hayotga tatbiq etishda ibratli oilalarning ijtimoiy faolligini oshirish orqali oilalar mustahkamligiga erishish, oilalarning tarbiyasidagi masʼuliyatini oshirish kabi vatanparvarlik gʻoyalarini amaliyotda mustahkamlashga erishishdan iborat boʻldi.

Tanlov Nizomiga asosan, Urganch shahridagi 27 nafar oila tomonidan taqdim etilgan hujjatlar qabul qilindi va shundan 4 nafar oila koʻrik- tanlovining turli nominatsiyalariga ega boʻlishdi.

Tanlov shartlari boʻyicha tarkib topgan maxsus ishchi guruh tomonidan ishtirokchilarning hujjatlari adolatli va xolisona baholandi.

Unga koʻra, “Binokor” MFYdan Oʻktam Eshchanov oilasi “Sogʻlom turmush targʻibotchisi” nominatsiyasiga ega boʻldi va koʻrik- tanlovining viloyat bosqichiga yoʻllanma oldi. “Avesto” MFYdan Allabergan Masharipova “Faol jamoatchi oila” “Yangiobod” MFYdan Djumanazar Karimov “Ibratli oila” va “Ziyokor” MFYdan.  

Tanlov shartlariga tayyorlanish jarayoni oilamizning hamjihatligini yanada mustahkamladi, — deydi Oʻ.Eshchanov. — Farzandlarimiz, nabiralarimiz tarbiyasida zimmamizga kuchliroq masʼuliyat yukladi. Oilaviy kutubxonamizni boyitishga qaror qildik. Koʻrik- tanlovning viloyat bosqichida ham oilamizning farovon hayotini faollik bilan toʻla namoyon etamiz va kelgusida faollikni kuchaytirib, Yangi Oʻzbekistonimizni barpo etishda baxtli oilamiz bilan munosib hissa qoʻshamiz.

 Tadbir  soʻngida ishtirokchilar hamkor tashkilotlarning tashakkurnomasi va esdalik sovgʻalari bilan taqdirlandilar.

Bir soʻz bilan aytganda, faollar tomonidan amalga oshirilayotgan bu kabi saʼy — harakatlar oilalarning munosib hayotini taʼminlashga xizmat qiladi.

Zamira Abdullayeva,

“Adolat” SDP Xorazm viloyat Kengashi matbuot kotibi,

Oʻzbekiston jurnalistlar uyushmasi a'zosi.