“Xotin-qizlar oʻrtasida jinoyatchilikdan xoli hududga aylantirish”

Soʻnggi yillar mobaynida ayollar manfaatlarini roʻyobga chiqarish boʻyicha samarali mexanizmni yoʻlga qoʻyish borasida aniq chora-tadbirlar koʻrilmoqda. Bunda, ayniqsa, ogʻir ijtimoiy vaziyatga tushib qolgan ayollarga koʻmak berish, ishga joylashtirish, uy-joy masalasini hal qilish, erta nikohlar, ajrashishlarni bartaraf etish orqali ular orasida jinoyatchilikning oldini olishga alohida eʼtibor qaratilmoqda.

Oila va xotin-qizlarni qoʻllab quvvatlash boshqarmasi, viloyat Ichki ishlar boshqarmasi, Buxoro viloyati “Oqila Ayollar” harakati hamda “Adolat” SDP Buxoro viloyat Kengashi hamkorligida viloyat endokrinologiya dispansеrining kichik majlislar zalida “Xotin-qizlar oʻrtasida jinoyatchilikdan xoli hududga aylantirish” mavzusida davra suhbati oʻtkazildi.

Suhbatda xalq deputatlari Buxoro viloyat Kengashi deputati, “Oqila ayollar” harakati shahar yetakchisi Gulchexra Ravshanova xotin-qizlarning oila va jamiyatda oʻz oʻrnini topishi, mamlakat ijtimoiy-siyosiy hayotida faol ishtirok etishi koʻp jihatdan yurtimizda mavjud sharoitlar hamda ularga koʻrsatilayotgan koʻmakka bogʻliqligi haqida soʻz yuritdi . Bunda nafaqat ayollarning tashabbuslarini qoʻllab-quvvatlash va haq-huquqlarini har tomonlama himoya qilish, balki ular orasida jinoyatchilikning oldini olish masalasi ham dolzarb hisoblanadi.

Аyol timsolida mehr-u muhabbat, sadoqat va vafo ramzi mujassam. Biz har gal olamning pokligi, inson kamoloti, umrning ziynati haqida gap ketganda, shubhasiz moʻtabar onalarimizni, goʻzal opa-singillarimizni koʻz oldimizga keltiramiz. Biz jamiyatimizdagi har bir nozik qalb egalari buyuk ajdodlarimizni voyaga yetkazadigan zamonamizning jonkuyarlari boʻlishlarini istar edik.

Mohigul Rahimqulova,

“Adolat” SDP Buxoro viloyat Kengashi matbuot kotibi.