Xotin-qizlar qonun himoyasida

Oʻzbekiston Respublikasi Prezidentining “Oila va xotin-qizlar bilan ishlash, mahalla va nuroniylarni qoʻllab-quvvatlash tizimini takomillashtirish chora-tadbirlari toʻgʻrisida”gi PF-81-son Farmoniga asosan Quvasoy shahrida seminar trening boʻlib oʻtdi. Mahalla xotin-qizlar faollariga oilalar bilan ishlashda nizoli vaziyatlarning oldini olish, xotin-qizlarga huquqiy-psixologik yordam koʻrsatish borasida psixologik bilimlarini shakllantirishga qaratilgan dolzarb masalalar trening mavzusiga aylandi.

Seminar-trening davomida oila va xotin-qizlarning muammolarini oʻz vaqtida aniqlash, ogʻir ijtimoiy ahvolga tushib qolgan oila va xotin-qizlarga ijtimoiy-huquqiy, psixologik yordam koʻrsatish, nizoli vaziyatlarning oldini olish, ruhiy tushkunlikka tushgan shaxslarga koʻmaklashish, zoʻrlik ishlatishdan jabr koʻrgan shaxslarga yordam koʻrsatish hamda oʻz joniga qasd va suiqasd qilish, oilaviy ajrim kabi holatlarning oldini olish borasidagi vazifalar tushuntirildi.

“Adolat”SDP

Farg’ona viloyat kengashi Matbuot xizmati.