Yana bir oila butunligi saqlab qolindi...    

Oila muqaddas dargoh. Bir oila barbod boʻlsa yer-u koʻk titraydi, degan asriy hikmatlarimiz bor. Bugungi kunda oilaviy ajrimlar soni keskin ortib borayotgani achinarli hol. Birgina Uchkoʻprik tumanida bugungi kunda 169 ta oila ajrim yoqasiga kelib qolgan. Bu oʻtgan yilning shu davriga nisbatan 62 taga koʻp demakdir.

“Adolat”SDP Uchkoʻprik tuman Kengashi “Adolat qabulxonasi”ga oilaviy nizolar borasida qilingan murojaat ijobiy xal etildi. Tumandagi “Boboshbek” MFYda istiqomat qiluvchi M.M oilaviy kelishmovchiliklar tufayli oilasi ajrim yoqasiga kelib qolgani, 2 nafar norasida goʻdaklari tirik etim boʻlib qolmasligi uchun oilani saqlab qolishda amaliy koʻmak soʻraydi. Partiyaning tuman Kengashi raisi Odinaxon Xakimova tuman bosh otinoyisi va mahalla xotin-qizlar faollari bilan hamkorlikda oilada yuzaga kelgan nizolarni tahlil qilib, uni saqlab qolish chora –tadbirlarini belgilaydilar. Oila boshliqlari va M.M.ning turmush oʻrtogʻi bilan olib borilgan tushuntirish ishlari oʻz samarasini beradi.

M.M. oilasi bagʻriga qaytib, yana bir butun oilaga aylanadilar. Adolat – har bir nafasimizda, oilamizda, jamiyatda qaror topishi uchun intilishlar hech qachon besamar ketmaydi.

                          “Adolat” SDP

Fargʻona viloyat kengash Matbuot xizmati.