“Yangi hayot uchun, Yangi Oʻzbekiston uchun” mavzusida davra suhbati oʻtkazildi

Oʻzbekiston “Adolat” SDP Taxtakoʻpir tuman Kengashi tomonidan “A.Adilov” mahallasida Oʻzbekiston Respublikasi davlat mustaqilligining 32 yilligi munosabati bilan “Yangi hayot uchun, Yangi Oʻzbekiston uchun” mavzusida davra suhbati oʻtkazildi.

Davra suhbatida soʻz olganlar barcha tadbir ishtirokchilarini mustaqilligimizning 32 yillik bayrami bilan tabriklab, oʻtgan tarixan qisqa vaqt davomida elimizning fidokorona mehnati va qatʼiyati bilan milliy oʻzligimiz, qadimiy tariximiz, boy madaniyatimiz, ezgu qadriyat va anʼanalarimiz qayta tiklangani, davlat va jamiyat hayotining tub asoslari oʻzgarib, mamlakatimiz dunyo hamjamiyatida oʻzining munosib oʻrniga ega boʻlganligi, mustaqil taraqqiyot yoʻlidagi keng koʻlamli islohotlarni izchil davom ettirish, barcha soha va tarmoqlar rivojini yangi bosqichga olib chiqish maqsadida bugungi kunda yurtimizda millati, tili va dinidan qatʼi nazar, har bir fuqaro erkin va farovon yashaydigan yangi jamiyat va davlat barpo etilayotganligini alohida taʼkidlab oʻtdi.

Tadbirda mamlakatimiz siyosiy hayotidagi muhim voqealar, xususan yangilangan Konstitutsiyamizning qabul qilinishi el-yurtimiz Yangi Oʻzbekistonni, Uchinchi Renessans poydevorini yaratishga qaratilgan islohotlarni har tomonlama qoʻllab-quvvatlab kelayotganini yana bir bor yaqqol tasdiqlayotgani, iqtisodiyot tarmoqlarini jadal rivojlantirish va tadbirkorlikka keng yoʻl ochish, yangi ish oʻrinlari yaratish, kambagʻallikni qisqartirish hamda aholining turmush farovonligini oshirish, tibbiy xizmatlar va taʼlim sifatini jahon standartlariga moslashtirish, shahar va qishloqlarimizni obod qilish, yurtimizning xalqaro miqyosdagi obroʻ-eʼtiborini yuksaltirish yoʻlida erishayotgan natijalarimiz tobora yaqqol namoyon boʻlmoqda, ularni har bir yurtdoshimiz oʻz hayotida sezayotgani va his etayotgani aniq misollar bilan keltirib oʻtildi.

“Adolat” SDP

Qoraqalpogʻiston Respublikasi kengashi Matbuot xizmati.