“Yangi Oʻzbekistonda erkin va farovon hayot uchun!”

Qonlikoʻl tumanida Oʻzbekiston Respublikasi davlat mustaqilligining 32 yilligi munosabati bilan “Yangi Oʻzbekistonda erkin va farovon hayot uchun!” shiori ostida bayram tadbiri oʻtkazildi.

Soʻzga chiquvchilar barchani mustaqilligimizning 32 yilligi bayrami bilan tabriklab, oʻtgan tarixan qisqa vaqt davomida elimizning fidokorona mehnati va qatʼiyati natijasida erishgan yutuqlarimizga alohida toʻxtalib oʻtdi.

Ayniqsa, mamlakatimiz siyosiy hayotidagi muhim voqealar, xususan yangilangan Konstitutsiyamizning qabul qilinishi el-yurtimiz Yangi Oʻzbekistonni, Uchinchi Renessans poydevorini yaratishga qaratilgan islohotlarni har tomonlama qoʻllab-quvvatlab kelayotganini yana bir bor yaqqol tasdiqlayotgani, iqtisodiyot tarmoqlarini jadal rivojlantirish va tadbirkorlikka keng yoʻl ochish, yangi ish oʻrinlari yaratish, kambagʻallikni qisqartirish hamda aholining turmush farovonligini oshirish, tibbiy xizmatlar va taʼlim sifatini jahon standartlariga moslashtirish, shahar va qishloqlarimizni obod qilish, yurtimizning xalqaro miqyosdagi obroʻ-eʼtiborini yuksaltirish yoʻlida erishayotgan natijalarimiz tobora yaqqol namoyon boʻlmoqda, ularni har bir yurtdoshimiz oʻz hayotida sezayotgani va his etayotgani misollar bilan keltirib oʻtildi.

“Adolat” SDP

Qoraqalpogʻiston Respublikasi kengashi Matbuot xizmati.