Yangi Oʻzbekistonda yoshlar kamolotiga eʼtibor kuchaytiriladi

Biz adolatli jamiyat va har jihatdan taraqqiy etgan huquqiy davlat barpo etishda taʼlim, ilm-fan va innovatsiyaning ahamiyatini oshirish tarafdorimiz.

Oʻzbekiston Respublikasi Prezidentligiga nomzod Robaxon Maxmudovaning saylovoldi dasturida yuqoridagi kabi ustuvor yoʻnalishlar belgilangan. Nomzodning Qashqadaryo viloyatidagi ishonchli vakili Ruiddin Raupov Muborak tumani tibbiyot birlashmasi tadbirgohida saylovchilar bilan uchrashdi.

Tadbirda ishonchli vakil Prezidentlikka nomzodning Saylovoldi dasturida belgilangan ustuvor yoʻnalishlar xususida saylovchilarga batafsil tushuncha berdi.

Uchrashuvda partiyaning Qashqadaryo viloyat Kengashi xodimlari, deputatlar faol yoshlar va xotin-qizlar, keng jamoatchilik hamda ommaviy axborot vositalari vakillari qatnashdi.

Uchrashuv davomida dasturda ilgari surilayotgan muhim maqsadlardan biri yoshlarimizning iqtidori va qiziqishlaridan kelib chiqib, ularning kelgusidagi kamoloti uchun zarur chora tadbirlar ishlab chiqishga qaratilgan koʻplab maqsad va vazifalarni ilgari surilayotganligiga eʼtibor qaratildi.

Buning uchun eng avvalo iqtisodiyotning, ishlab chiqarishning haqiqiy manbai boʻlgan muhandis, texnolog va boshqa mutaxassislarning sonini koʻpaytirish va malakasini oshirish hamda qayta tayyorlash choralarini koʻrish nomzod dasturidan oʻrin olgan muhim vazifalardan biri ekanligi taʼkidlandi.

Tadbir soʻnggida ishonchli vakil tomonidan saylovchilarni qiziqtirgan barcha savollarga batafsil javob berildi.

Baxtiyor Jumayev,

partiya faoli.