Yigʻilishda navbatdagi vazifalar belgilab olindi

Oʻzbekiston “Adolat” SDP Surxondaryo viloyat Kengashida viloyat Kengashi faollarining kengaytirilgan yigʻilishi boʻlib oʻtdi. Unda partiya Siyosiy Kengashi raisi Bahrom Abduhalimov ishtirok etdi va partiya tashkilotlari oldida turgan vazifalar xususida maʼruza qildi.

-Albatta, partiyamiz tomonidan oʻtgan davrda koʻplab yoʻnalishlarda sezilarli ishlar qilindi,- dedi partiyamiz rahbari.- Lekin hali oldimizda amalga oshirilishi kerak boʻlgan qator loyihalar, yechimini kutib turgan dolzarb muammolar bisyor. Demak, kelgusida ham har bir masalaga jiddiy masʼuliyat bilan yondashib, zimmamizga yuklatilgan vazifalarni sidqidildan bajarishimiz kerak. Qolaversa, “Adolat” SDP partiyaning dasturiy vazifalarini amalga oshirish maqsadida partiya elektorati va aholining keng qatlami bilan yuzma-yuz muloqotlar tashkil etishni yanada jonlantirish, uchrashuvlarda aholini qiynab kelayotgan, jamiyat rivojiga toʻsiq boʻlayotgan muammolarni bartaraf etish boʻyicha takliflar ishlab chiqish boʻyiсha barcha darajadagi deputatlik korpuslarining hamkorligi tizimli yoʻlga qoʻyilishi xususida toʻxtalib oʻtildi. Yigʻilishda viloyat Kengashi raisi R.Hamrayev soʻzga chiqib viloyat partiya tashkiloti tarkibida bugungi kunda 38 ming nafardan ortiq faollari uyushganligi, partiyaning hududiy va mahalliy Kengashlarida ham aʼzolarimiz soni ortib 50 mingdan ortib borayotganligi xususida aytib oʻtdi.

Yigʻilishda yil davomida partiya aʼzolari safini kengaytirish, boshlangʻich partiya tashkilotlari faoliyatini kuchaytirish, kadrlar zaxirasini mustahkamlash, aʼzolik badallari tushumini tizimli yoʻlga qoʻyish va toʻliq taʼminlash, partiya faollarining siyosiy bilimlari va faolligini oshirishga ham alohida eʼtibor qaratilganligi qayd etildi.

Shuningdek, oʻtgan davr mobaynida tibbiy-ijtimoiy koʻmakka muhtoj bolalarni qoʻllab-quvvatlash, fuqarolarni koʻngilli ravishda qon topshirishga chaqirish orqali bemor bolalarning hayotini saqlab qolish, jamiyatda mehr-oqibat gʻoyalarini targʻib qilishga qaratilgan begʻaraz insonparvarlik aksiyasi doimiy ravishda tashkil etib kelinayotgani alohida qayd etildi. Yana shuningdek, targʻibot tashviqot ishlari, “Adolat” qabulxonasiga kelgan murojaatlarning oʻz vaqtida bajarilishi yaxshi samara berayotgani, ayollar va yoshlar bandligi, matbuot xizmati, mahallalarda olib borilayotgan targʻibot ishlari xalqimizning bizga boʻlgan yuksak ishonchini ortib borayotganligini qayd etib oʻtdi.

Natijada esa viloyatdagi aʼzolarimiz soni bugungi kunga kelib 50 ming nafarga yetib, bundan keyin ham yoʻl qoʻyilgan kamchiliklarni bartaraf etib, yanada faol boʻlishga, xalq orasida oʻz ishlarimizning natijadorligini oshirishda faoliyatni kuchaytirish xususida taʼkidlab oʻtdi.

 Tadbirda muhokama etilgan masalalar yuzasidan vazifalar belgilab olindi.

Gulshod Tursoatova,

O‘zbekiston “Adolat” SDP

Surxondaryo viloyat Kengashi matbuot kotibi.