“Yoshlar tarbiyasida faxriylarning tutgan oʻrni”

“Adolat” SDP Qorovulbozor tuman Kengashi hamda Oʻzbekiston Veteran jangchi-faxriylar va nogironlari Buxoro viloyat boʻlimi va Qorovulbozor tuman boʻlinmalari hamkorligida tumanning chekka hududida joylashgan 6-son umum oʻrta taʼlim maktabida “Yoshlar tarbiyasida faxriylarning tutgan oʻrni” mavzusida maʼnaviy-maʼrifiy tadbir tashkil etildi. Partiya faollari, deputatlari, jangchi-faxriylar hamda mazkur maktabning oʻqituvchi va oʻquvchilari ishtirok etgan tadbirda kuni kecha boʻlib oʻtgan bayram, oʻzbek tiliga davlat tili maqomi berilgani va tilning inson va jamiyat hayotidagi oʻrni kabi mavzular yuzasidan fikr va mulohazalar, taklif va tavsiyalar qizgʻin kechdi.

Jangchi-faxriylar tomonidan tinch va osuda hayotimizni qadriga yetish, davlatimiz tomonidan yoshlarga berilayotgan imkoniyatlardan samarali foydalanish, yurt dardi bilan yashashni oʻzida mujassam etgan fikrlari yoshlarda tilimizga boʻlgan hurmatni, Vatanimizga boʻlgan sadoqatini yanada mustahkamladi. Tadbir soʻngida faol ishtirokchilar partiyaning esdalik sovgʻalari bilan taqdirlandilar.

Shuningdek, yoshlarning bayramona sahna koʻrinishlari, sheʼr va qoʻshiqlari ishtirokchilarga bayramona kayfiyat ulashdi.

Nurali Eshmurodov,

“Adolat” SDP Qorovulbozor tuman Kengashi raisi,

Xalq deputatlari Qorovulbozor tuman Kengashi deputati.