YPX va Kadastr agentligi xodimlari uchun targ`ibot tadbirlari o`tkazildi 

Toshkent shahar YPX boshqarmasida yangi tahrirdagi Konstitutsiya loyihasi targʻibotiga bagʻishlangan tadbir tashkil etildi. Unda Oliy Majlis Qonunchilik palatasi deputati Oydin Abdullayeva “Inson – jamiyat – davlat” tamoyili asosida fuqarolarimiz huquq va manfaatlari himoyasini mustahkamlash maqsadida Konstitutsiyamizga kiritilayotgan o‘zgarishlar haqida ma’lumot berdi. Tadbirda soʻzga chiqqanlar yangilanayotgan Konstitutsiyaning insonlar hayotida tutgan oʻrni, unga kiritilayotgan yangi qoʻshimchalar va ularning ahamiyati haqida gapirdilar. Shuningdek, xalqimizni 30-aprel kuni oʻtkazilishi kutilayotgan Referendumda faol ishtirok etishga chaqirdilar. Shuningdek, Kadastr agentligi va Davlat kadastrlari palatasi Toshkent shahar boshqarmasida ham yangi tahrirdagi Konstitutsiya loyihasi targʻibotiga bagʻishlangan tadbir o`tkazildi.

Tadbir davomida Kadastr agentligining Toshkent shahar boshqarmasi boshligʻi B.Tashxodjayev so‘z olib, Kadastr agentligi va Davlat kadastrlari palatasi Toshkent shahar boshqarmalari, uning hududiy filiallari xodimlari o‘rtasida yangilanayotgan Konstitutsiyamiz targ‘ibotiga bag‘ishlangan davra suhbatlari muntazam o‘tkazib kelinayotgani ta`kidlandi.

Mehriniso Yakubova,

“Adolat” SDP Toshkent shahar Kengashi matbuot kotibi.