Yurtimiz boʻylab soʻnggi qoʻngʻiroq sadolar yangramoqda….

Bugun Buxoro viloyati Vobkent tumani 25-umumiy oʻrta taʼlim maktabida soʻnggi qoʻngʻiroq tadbiri boʻlib oʻtdi.

Tadbirda “Adolat” SDP Buxoro viloyat Kengashi raisi M.Hamidov XTB vakili O. Komilov, Vobkent tuman hokim oʻrinbosari B.Yusupov, Xayrxush MFY inspektori, mayor podpolkovnik A.Abloqulov, Xayrxush MFY raisi D.Joʻrayev, ota- onalar qoʻmitasi vakili G.Tosheva va bitiruvchi oʻquvchilarning ota- onalari va maktab pedagoglari ishtirok etishdi.

Uchrashuvda viloyat Kengash raisi M.Hamidov soʻzga chiqib, bitiruvchilar orasida partiyamiz faoli Halimov Bekzodning jahondagi bir qator nufuzli universitetlarning talabasi boʻlgani bilan tabriklab, unga partiyaning qimmatbaho esdalik sovgʻalarini topshirdi. Bitiruvchi yoshlarning kelgusidagi ishlariga omadlar tilab, mamlakatimiz ravnaqiga hissa qoʻshadigan munosib farzand boʻlib yetishishlarni taʼkidlab oʻtdi.

Shundan soʻng maktabda koʻp yillar oʻquvchilarga bilim berib, nafaqaga chiqayotgan partiyamiz aʼzolariga ham fidokorona mehnatlari uchun partiya nomidan faxriy yorliq va esdalik sovgʻalari topshirildi.

Kechaga oʻquvchi yoshlarning chiqishlari tadbirga oʻzgacha ruh bagʻishladi. Koʻtarinki kayfiyatda oʻtgan tadbir qoʻngʻiroqning soʻnggi sadolari ostida yakunlandi.

Mohigul Rahimqulova

“Adolat” SDP Buxoro viloyati Kengashi matbuot kotibi.