Zarur tibbiy muolajalar koʻrsatildi

Xalqimiz holidan xabar olish, xalq orasiga kirish, ularning dard-u tashvishlarini eshitish va hal etish bugungi kunda har bir deputatning oʻz saylovchilari oldidagi majburiyatidir. Qolaversa, bayram arafalarida, bugungi kabi sinovli damlarda oʻzgalar koʻmagiga muhtoj oilalarga xursandchilik ulashish xalqimizga xos ezgu fazilat.

Ana shunday ezgu niyat bilan “Adolat” sotsial-demokratik partiyasidan Xalq deputatlari Toʻrtkoʻl tuman Kengashi deputati U.Xusayniy oʻz saylov hududidagi “Toʻrtkoʻl” ovul fuqarolar yigʻini “El rizqi” koʻchasi 130 xonadonda yashovchi kam taʼminlangan oilaning holidan xabar oldi. Oʻrganish ishlari davomida deputat ushbu xonadonda yashab kelayotgan barcha fuqarolarning mavjud muammolari yuzasidan suhbatlashib, oʻz amaliy yordamini koʻrsatdi.

Maʼlum boʻlishicha, oila aʼzolaridan Sh.Hakimov va R.Xakimovalar vaqtinchalik ishsizligi va hozirda sogʻligʻidan birqancha shikoyatlari borligi aniqlanib, bularni bartaraf etish choralari koʻrildi.

Deputat tashabbusi bilan Sh.Hakimov va R.Xakimovalarning oilaviy ahvoli va salomatligi borasida tuman tibbiyot birlashmasi rahbariyatiga tushuntirilib, fuqaro Sh.Hakimov va R.Xakimovalar toʻliq shifokor koʻrigidan oʻtkazildi. Hozirgi kunda mazkur oila aʼzolari zarur tibbiy muolajalarini olmoqda. Endilikda ushbu fuqarolar tibbiy muolajalarini yakunlagach, tez kunlarda salomatligini tiklash uchun jarrohlik operatsiyasini oʻtkazish ham belgilangan.

Biz ham oʻz oʻrnida mazkur oila aʼzolariga tez kunlarda sogʻayib ketishlarini tilab, murojaatning oʻz oʻrnida ijobiy yechim topganidan xursandmiz.

Inomjon Kutimov,
“Adolat” SDP Beruniy tumani Kengashi raisi