Deputat bilan hamkorlikdagi tadbir ishtirokchilarni daxldorlikka chorladi

“Adolat” SDP Bogʻot tuman Kengashi hamda “Yongʻin havfsizligi” tuman boʻlimi xodimlari bilan birgalikda tumandagi “Bogʻzor” mahallasida “Daxldorlik- Vatan tuygʻusi” mavzusida targʻibot tadbiri tashkil etildi.

Tadbir dastavvalida, soʻzga chiqqanlar tomonidan mamlakatimizda olib borilayotgan islohotlar, ulkan bunyodkorlik ishlari xususida taʼkidlandi.

Qadamboy Xoʻjaqov, Bogʻot tuman Kengashi deputati:

– Mamlakatimizda har bir sohani rivojlanishiga qaratilgan eʼtibor va imkoniyatlar, joriy yilni “Inson qadrini ulugʻlash va faol mahalla yili” deb nomlanishi negizida har bir hamyurtimizning qadr – qimmati, oʻz hayotidan rozi boʻlib yashashi uchun koʻzlangan saʼy harakatlar hisoblanadi. Qars ikki qoʻldan chiqqani kabi, har birimiz Vatanimiz taqdiriga befarq boʻlmasligimiz, yon- atrofga dahldorlik hissimizni oshirishimiz kabi masʼuliyatni aʼlo darajada ado etsakgina taqdirimiz uchun yaratilayotgan va berilayotgan imkoniyat va islohotlar samarali natija beradi.

Shundan soʻng, yashash sharoitimizning eng asosiy boʻlaki boʻlgan isitish tizimidan samarali va oqilona foydalanish tartiblari yigʻilganlarga atorflicha tushintirildi.

Tadbir ishtirokchilarning fikr va mulohazalari, taklif va tavsiyalari bilan qiziqarli kechdi. Ishtirokchilar qiziqqan savollarga soha mutaxassislari tomonidan batafsil javoblar berildi.

Tumanimizda bu kabi tadbirlar davom etmoqda.

Saodat MASHARIPOVA,

“Adolat” SDP Bogʻot tuman “Ayollar qanoti” raisi