Аyolning sharoiti oʼrganilib, “Temir daftar”ga kiritilishi taʼminlandi

Xalq deputatlari Fargʼona tuman Kengashi deputatlari – Ozodaxon Dadajonova, Fayzullo Mirzaev, “Аdolat” SDP tuman Kengashi raisi Nodirbek Karimovlar "mahallabay" va "fuqarobay" ishlash tizimida samaradorlikka erishib kelmoqdalar.

Fargʼona tumanining “Birdamlik” MFY Farovonlik koʼchasi 35-uyda istiqomat qiluvchi Gulchehra Gʼulomova oʼzining ijtimoiy ogʼir ahvolda qolganligi va doimiy ish joyiga ega emasligi sababli politexnika institutining uchinchi bosqichini tugallayotgan oʼgʼli Shahriyorning shartnoma pulini toʼlash imkoniyati yoʼqligi va buning oqibatida farzandi oʼqishdan chetlatilishi mumkinligini bildirib, murojaat qildi.

Xalq deputatlari Fargʼona tuman Kengashi deputatlari MFY rais oʼrinbosari va 2-sektor kotibi bilan birgalikda G.Gʼulomovaning yashash sharoitini oʼrganib, fuqaroni "Temir daftar"ga kiritilishini taʼminladilar.

Murojaatining tezkorlik bilan hal etilib, amaliy yordam koʼrsatilganligidan Gulchehra opa mamnun boʼldi.

Oʼzbekiston “Аdolat” SDP Fargʼona viloyat Kengashi matbuot xizmati