“Davlat hisobidan yuridik yordam to‘g‘risida”gi Qonun loyihasi jamoatchilik muhokamasida

30.08.2022 10:08:25

“Davlat hisobidan yuridik yordam to‘g‘risida”gi Qonun loyihasi jamoatchilik muhokamasida. 5 ta bob, 34 ta moddadan iborat mazkur qonun loyihasi bilan davlat hisobidan yuridik yordam ko‘rsatishning tamoyillari, ushbu sohadagi davlat siyosatining asosiy yo‘nalishlari, fuqarolarning yuridik yordam olishga bo‘lgan huquqlari kafolatlari belgilanmoqda.

Sirdaryo viloyat adliya boshqarmasi

Sirdaryo viloyat adliya boshqarmasida Oliy Majlis Qonunchilik palatasi deputatlari, huquqni muhofaza qiluvchi idoralar vakillari, advokatlar, soliq, moliya hamda tegishli davlat organlari va tashkilotlari mas’ullari ishtirokida o‘tkazilgan tadbirda mazkur qonun loyihasining mazmun-mohiyati muhokamalar markazida bo‘ldi.  

Sirdaryo viloyat adliya boshqarmasi
Sirdaryo viloyat adliya boshqarmasi

Ta’kidlanganidek, ushbu belgilanayotgan normalar bilan davlat hisobidan yuridik yordam ko‘rsatuvchi advokatlar reyestrini yuritish va unga advokatlarni kiritishning ochiq va shaffof mexanizmlari, axborot-kommunikasiya texnologiyalarini joriy etgan holda davlat hisobidan yuridik yordam ko‘rsatadigan advokatlarni inson omilisiz elektron tizim orqali tasodifiy tanlash tartibi joriy etiladi.

Sirdaryo viloyat adliya boshqarmasi

- Mazkur qonun loyihasining qabul qilinishi fuqarolarning odil sudlovga erishish darajasini yanada oshirish va malakali yuridik yordam olishga bo‘lgan kafolatlarini kuchaytirishga, davlat hisobidan yuridik yordam ko‘rsatishning shaffof tartibini joriy etish hamda davlat tomonidan ushbu maqsadda ajratiladigan mablag‘lar sarflanishi ustidan samarali nazoratni o‘rnatishga xizmat qiladi, - deydi Oliy Majlis Qonunchilik palatasi deputati Inomjon Qudratov. 

Sirdaryo viloyat adliya boshqarmasi
Sirdaryo viloyat adliya boshqarmasi

Muloqot mobaynida Qonun loyihasining dolzarbligi, ahamiyati qizg'in savol-javoblar asosida muhokama qilinib, loyihani yanada takomillashtirish yuzasidan qator takliflar ilgari surildi.

 

Sirdaryo viloyat adliya boshqarmasi Jamoatchilik bilan aloqalar bo'limi

+