Gʼayrat, shijoat va masʼuliyat bagʼishladi

06.07.2021 04:07:27

Yildan-yilga Oʼzbekiston yoshlari uchun yaratilayotgan imkoniyatlar koʼlami kengayib boryapti. Bunga kecha Toshkent shahridagi Botanika bogʼida oʼtkazilgan talabalar va yoshlar forumi yana bir misol. Yurtimizda biz yoshlarga yaratilayotgan imkoniyatlar samarasi oʼlaroq bugun tengdoshlarimiz koʼplab yuqori marralarni zabt etishmoqda.

Yoshlar kuni munosabati bilan oʼtkazilishi anʼanaga aylangan tadbirda Prezidentimiz ishtirok etdi. Biz, yoshlarni bayram bilan qutlab, yoshlar uchun koʼplab qulayliklar yaratilishini taʼkidladilar. Аyniqsa “Temir daftar”, “Yoshlar daftar”idagi yoshlar bilan ishlashning yangicha tizimini joriy etish ularni har tomonlama qoʼllab-quvvatlash va rivojlantirish ayniqsa jamiyatimizdagi faolliklarini oshirish boʼyicha alohida qayd etib oʼtdi.

“Kelajak liderlari” faoliyatini yanada takomillashtirish, Davlat xizmatida yangi avlod kadrlarni tayyorlashning yangicha tizimini yoʼlga qoʼyish va samaradorligini oshirishga qaratilgan keng koʼlamli ishlar amalga oshirilish borasida oʼzining takliflarini bildiirib oʼtdilar.

Davlatimiz rahbari xorijda tahsil olayotgan, yirik va yetakchi kompaniyalarda faoliyat olib borayotgan koʼplab iqtidorli oʼgʼil-qizlar, yoshlar haqida ham toʼxtalib, yuksak bilim va malakaga ega yoshlarni Vatanimizga kelib ishlashi uchun barcha sharoitlarni yaratib berishga vaʼda berar ekan, ularni rahbarlik lavozimlariga asosiy nomzod sifatida belgilash, uy-joy ajratish, munosib maosh toʼlash boʼyicha yangi tizimni joriy etish yuzasidan vazifalar belgilandi.

Bunday keng imkoniyatni yaratilishi biz yoshlarga yana bir karra gʼayrat, shijoat va masʼuliyat bagʼishlaydi. Biz yoshlar ana shunday yaratilgan imkoniyatlardan oqilona foydalanib, yuksak marralar sari dadil odim tashlaymiz.

 

Qurbonali ILАShEV,

“Kelajak liderlari” klubi aʼzosi, Oʼzbekiston “Аdolat” SDP Pastdargʼom tuman Kengashi Yoshlar qanoti raisi

Ulashing!

Fikringizni qoldiring

Iltimos javobingizni kiriting

+