Ishchan kayfiyat bilan yangi marralar sari

06.07.2021 04:07:57

Muhtaram Prezidentimizning 27-iyunь - Matbuot va ommaviy axborot vositalari kuni munosabati bilan soha xodimlarini samimiy muborakbod etib, bildirgan tilaklari va ishonchi barcha hamkasblarim qatori mening ham zimmamga ulkan masʼuliyat va vazifalarni yukladi.

Davlatimiz rahbari tomonidan ommaviy axborot vositalarining jamiyat hayotidagi oʼrni, taʼsiri va faoliyat samaradorligini oshirish, ularning moddiy–texnik bazasi, kadrlar salohiyatini mustahkamlash, soha xodimlarining har tomonlama ragʼbatlantirish davlat siyosati darajasiga koʼtarilgani soha tizimining tubdan oʼzgarib borayotganini koʼrsatmoqda.

Bu esa oʼz navbatida soha xodimlariga bildirlgan ishonch namunasidir.

Partiyaning Xorazm viloyat Kengashi matbuot kotibi vazifasida uzoq yildan buyon har tomonlama yaratilgan imkoniyatlar, sharoitlar ogʼushida ishchanlik kayfiyati bilan faoliyatimni olib bormoqdaman, partiyam tomonidan qaratilayogan eʼtibor, extirom va ishonchdan, mehnatlarim qadr topayotganidan, qalbim gʼururga toʼlib, yangi marralar sari olgʼa bormoqdaman.

Yangilanib, rivojlanib borayotgan soha xodimi zimmasiga yanada faollik masʼuliyatining yuklanishi tabiiy hol, albatta.

Men ham ushbu axborot va soʼz olami orqali oʼz kasbimga boʼlgan mehrim va ishtiyoqim bilan partiyamning obroʼ va eʼtiborini xalqim orasida yuksalib va ravnaq topib borishi uchun bor kuch gʼayratimni, isteʼdod va imkoniyatimni safarbar etaman.

Zamira АBDULLАEVА,

Oʼzbekiston “Аdolat” SDP

Xorazm viloyat Kengashi matbuot kotibi

Ulashing!

Fikringizni qoldiring

Iltimos javobingizni kiriting

+