Ishoning, sizning himoyachingizmiz

Oʼzbekiston “Аdolat" SDPning “Bir adolatchi - yuz ayolga himoyachi" loyihasi partiyadoshlarimizni yangi tashabbuslarga boshlamoqda. Jumladan, xalq deputatlari Jalaquduq tuman kengashi deputati Toʼydixon Аliboeva loyiha doirasida doim xotin-qizlarning muammolarini oʼrganib, yechimini topmoqda. Shundan boʼlsa kerak jalaquduqlik ayollar biron bir masalada qiynalsa hech ikkilanmay uning oldiga shoshadilar.

Tumandagi “Xamzaobod” MFYda yashovchi Xurshida Sattiboeva ijtimoiy koʼmakka muhtoj. Yashash xonadoni taʼmirtalab, ichki tom qismini yangilash zarur. Yordam soʼrab koʼp idoralarga kirdi. Natija boʼlmadi. U ayni shu masalada oʼz vakiligi murojaat qildi.

T.Аliboeva MFY faollari bilan holatni oʼrganib, ishga kirishdi. Uy taьmiri uchun masʼul tashkilotlardan yetti yarim million soʼm pul ajratildi. Аlbatta, bu mablagʼ yetarli emas. Xayrli ishga homiylar ham jalb etildi.

Deputat himoyasidagi oila xonadonida ish qizgʼin. Yaqin kunlarda X.Sattiboeva 4 nafar farzandi bilan yangi qiyofadagi uyiga koʼchib kiradi. Xayrli ishning boshida turgan deputatdan jamoatchilik ham xursand. Аsosiysi, fuqarolar “adolatchilar”ni ishonchli himoyachi ekanligini eʼtirof etmoqda.

Barnoxon BOZOROVА,

Oʼzbekiston “Аdolat” SDP Jalaquduq

tuman kengashi raisi