Taʼlim kreditini olish endi muammo emas

06.07.2021 04:07:53

Oʼzbekiston Respublikasi Prezidenti Shavkat Mirziyoev Oʼzbekiston yoshlari va talabalari forumida soʼzlagan nutqida shu haqda maʼlum qildi. Bu yangilikni esa forumda oflayn va onlayn ishtirok etayotgan barcha oʼzbekitonlik yoshlar katta bir quvonch sifatida qarshi oldi. Chunki oʼz bilimi bilan oliy taʼlim dargohiga kontrakt toʼlovi asosida oʼqishga qabul qilingan talabalarni bir necha yillardan buyon banklardagi foiz stavkalari oʼylantirib kelar edi.

Аyniqsa eng uzogʼi bilan uch yilga beriladigan kredit mablagʼiga 28 foiz stavka qilib belgilangani talabaga ham oʼqish ham ishlash taqdirini taqozo qilardi. Prezident nutqida aynan shu jihatlar ham tilga olindi va endilikda taʼlim kreditlari 14 foiz stavkada kamida yetti yilga berilishi maʼlum qilindi. Bu kontrakt toʼlovi asosida taʼlim oladigan talaba bor eʼtiborini pul topib kreditini qaytarishga emas, balki bilim olishga qaratadi degani. Mamalakatimiz yoshlari uchun kutilmagan imkoniyat va imtiyoz sifatida tilga olingan ushbu yangilik talaba boʼlmoqchi boʼlgan yoki talaba sifatida taxsilni davom ettirayotgan yoshlarga umid ham berdi, deyish mumkin.

Chunki dunyo amaliyotida talabaga bunday moliyaviy koʼmak va imtiyozni bera olgan davlatni uchratish qiyin. Men ham ushbu forumni Sirdaryo viloyatidagi studiyadan kuzata turib, shu yurtning farzandi ekanligimdan faxrlanib ketdim. Zero Prezidentimiz “Bilimli yoshlar - kelajak poydevori. Bugungi harakatlaringiz bilan oʼz kelajagingizga asos solyapsizlar. Men sizlar bilan gʼururlanaman”, - deya biz yoshlarga ana shunday ishonch bildirdi.

 

Mahfirat XUDOYBERDIEVА,

Oʼzbekiston “Аdolat” SDP

Sirdaryo viloyat Kengashi

matbuot kotibi

Ulashing!

Fikringizni qoldiring

Iltimos javobingizni kiriting

+