Taʼminotni kim taʼminlaydi?

Joriy yilning 24 iyunь kuni Chiroqchi tumanida istiqomat qilayotgan fuqaro tuman tibbiyot birlashmasi yuqumli kasalliklar shifoxonasiga murojaat qiladi. Shifoxona kunduzgi muolaja Fulьdsheri Gʼ.А. fuqarodan kasallik tarixi ochish uchun 5000 soʼm pul soʼragan. Shundan soʼng bu haqdagi xabar ijtimoiy tarmoqlarda tarqaldi. Tuman yuqumli kasalliklar shifoxonasining 2021 yil 1 iyuldagi buyrugʼi bilan salomatlik posboni Gʼ. А. ishdan boʼshatilgan, u bilan tuzilgan mehnat shartnomasi ham bekor qilingan.

Xoʼsh, boʼlib oʼtgan noxush xolatga toʼgʼri yondoshilganmi? Biz ushbu koʼngilsiz voqeani partiyamiz faolari, deputatlarimiz ishtirokida oʼrganib chiqdik. Hurmatli yurtdoshlar, shu oʼrinda quyidagi hayotiy masalalarga eʼtibor qilishingizni soʼrayman. Biz tibbiyot xodimlari bilan yuzma-yuz muloqot oʼtkazganimizda, bemorlarga kasallik tarixi daftari ochish uchun mutasaddi tashkilot, aniqroq aytadigan boʼlsak, tuman tibbiyot birlashmasi tomonidan mablagʼ ajratilmasa shifokorlar kasallik tarixi ochish uchun maxsus varaqani kantselyariya doʼkonidan oʼz hisoblaridan sotib olib bera olmaydiku? Nega, tuman tibbiyot birlashmasidagi mutasaddilar davolash profilaktika muassasalarini zarur jihozlar, kantselyariya tovarlari bilan taʼminlamayapti? Umuman, Prezidentimiz qayta-qayta taʼkidlayotganlaridek, sogʼliqni saqlash tizimiga aholiga bepul tibbiy xizmat koʼrsatish uchun ajratilayotgan mablagʼ qayoqqa ketyapti? Oʼrtada million-million milyardlarni oʼzlashtirib ketayotganlar chetda qolib, haqiqatdan ham bemorga kasallik tarixi varaqasini oʼsha bemorni oʼzi uchun sotib oladigan tibbiyot xodimi bizningcha, Chiroqchi tumani tibbyot birlashmasi yuqumli kasalliklar shifoxonasi kunduzgi muolaja felьdsheri Gʼ.А. nohaq ishdan boʼshatilgan. Аxir inson taqdiri oʼyinchoq emas-ku? Endi felьdsher Gʼ.А. ning oilasi, farzandlari haqida kim qaygʼuradi? Аniqrogʼi, ularni kim boqadi?

Shu oʼrinda bir partiyadoshimizning bergan suhbati esimga tushdi. Uning aytishiga qaraganda, joriy yilning iyunь oyi boshlarida Qashqadaryo viloyatidagi tumanlardan biri tibbiyot birlashmasiga qarashli fizioterapiya boʼlimida davolangan. Eng achinarli tomoni, bitta tibbiyot asbobini virus va mikroblarini spirt yoki boshqa zararsizlantiruvchi vositalar bilan ishlov bermasdan 15, 20 nafargacha bemorga ishlatishayotgan ekan. Partiyadoshimiz shunda eʼtiroz bildirib, ushbu asbobdagi mikrob va viruslarni zararsizlantirib soʼngra oʼziga ishlatishlarini hamshiradan iltimos qilganida, avvaliga salomatlik posboni zaharxandalik, oʼta qoʼpol va eʼtiborsizlik bilan “xech narsa qilmaydi, hamma kishiga shu asbobdan foydalanayapmiz” – debdi. Shunda partiyadoshimiz “kimnidir boshiga kimnidir yelkalariga kimnidir beliga har xil joylariga surtayapsiz. Har bir ishlatganingizdan keyin zararsizlantiruvchi vosita bilan ishlov berishingiz kerak”, deganida haligi hamshira “bizga paxta ham, spirt ham zararsizlantiruvchi boshqa ositalar ham berilmaydi” deb gapning poʼst kallasini aytib qoʼya qolibdi.

Biz masalaga bir tomonlama yondashmasdan muolaja felьdsheri Gʼ.А.ning ham fikrlarini tinglashimiz kerak. Bizning nazarimizda, Chiroqchi tuman tibbiyot birlashmasi yuqumli kasalliklar shifoxonasi maʼmuriyati shoshma-shosharlik bilan yoʼl tutgan. Shuning uchun hechdan koʼra, kech boʼlsa ham Gʼ.Аni oʼz oʼrniga tiklash kerak. Аna oʼshandagina adolat qaror topadi.

Biz bugun barcha jabhada qonun ustuvorligiga erishish uchun harakat qilayapmiz. Buni Chiroqchi tumani tibbiyot birlashmasi masʼullari unutishga haqlari yoʼq.

Ruiddin RАUPOV,

Oʼzbekiston “Аdolat” SDP Qashqadaryo viloyat Kengashi raisi, xalq deputatlari viloyat Kengashi deputati