Chekka sarhaddan nuqtai nazar: Islom dunyosi chegaralari uning madaniyatiga qanday hissa qo‘shgan?

Jidda shahri (Saudiya Arabistoni)dagi Islom sanʼati biyennalesining jamoatchilik uchun dasturi doirasida “Chekka sarhaddan nuqtai nazar: Islom dunyosi chegaralari uning madaniyatiga qanday hissa qo‘shgan?” mavzusida muhokama bo‘lib o‘tdi. O‘zbek hayʼati nomidan O‘zbekiston Madaniyat va sanʼatni rivojlantirish jamg‘armasi taklifiga binoan tarix fanlari doktori, professor, O‘zbekiston Respublikasi Fanlar akademiyasining vitse-prezidenti Bahrom Abduhalimov ishtirok etdi.

Bahs-munozaralarda islom olamining sharqiy va g‘arbiy jo‘g‘rofiy eng chekka joylari hamda o‘sha yerda turmush kechirayotgan jamiyatlarning musulmon madaniyatini yana-da boyitishdagi ahamiyati muhokama qilindi.

Maʼruzachilar tarkibida tarix fanlari fanlari doktori Abdel Rahmon Azzam, Meʼmorchilik va shaharsozlik maktabi meʼmori va katta o‘qituvchisi Shahed Salim, Ozarbayjon Milliy badiiy muzeyining Xalqaro hamkorlik bo‘limi mudiri Konul Rafiyeva hamda Qatardagi Shimoli-g‘arbiy universiteti professori va fakultet ishlari bo‘yicha dekan o‘rinbosari Zakariy Rayt qatnashdi.