ЯНГИ АКЦИЯ: “ОНЛАЙН НОМЗОД”

Ўзбекистон “Адолат” социал-демократик партияси сайловолди дастурини ишлаб чиқишда жамоатчилик фикрини ўрганиб, турли соҳа вакилларидан таклифлар йиғиб олди. Халқимиз ўз нуқтаи назари ва истакларини бизга етказиб, дастур ҳаммуаллифига айланди. Инсонлар фикрини ўрганиш ва ғояларини ҳаётга татбиқ этишда давом этамиз.

Айни пайтда жойларда бу йил ўтказиладиган сайловларга номзодлар заҳирасини йиғиш жараёни кетмоқда. Биз бу борада ҳам халқ истагини биринчи ўринга қўямиз. Кимда ким ўзини Олий Мажлис Қонунчилик палатаси ёки Халқ депутатлари маҳаллий Кенгаш депутати мақомига лойиқ деб билса, ўзини сиёсий жараёнга киришишга тайёр, деб ҳисобласа, бирга қадам ташлаймиз!

Депутат бўлишни хоҳлайсизми? Унда номзодларимизга заҳира кадрлар қаторига қўшилинг. Бу йилги сайловларда нафақат сайловчи, балки номзод сифатида сиёсий фаоллик кўрсатиш имкониятига эгасиз. Биз сиздан ғолибликни кутамиз ва бирга курашамиз!

Сайлов кодексига мувофиқ номзодга қўйилувчи талаблар билан танишинг ва ўзингиз ҳақингизда маълумотларни тақдим этинг. Номзодликка заҳиралар партия Сиёсий Кенгаши томонидан кўриб чиқилади ва муносиб топилганлари номзод сифатида илгари сурилади. Имкониятни қўлдан бой берманг! Бугунги сайловчи эртанги депутатга айланиши мумкин!

Эслатма: “Онлайн номзод”ликка аризалар 26 августдан 15 октябргача қабул қилинади.

Мурожаат учун телефон: 71 288-42-04 (110)

Электрон почта: adolat_info@mail.ru.

Координатор: С.Эргашев 97 4118779