Депутат Қутайба ибн Муслим зиёратгоҳида

Айни кунларда республикамизда «Яшил макон» умуммиллий лойиҳаси доирасида ободонлаштириш ва кўчат экиш ишлари давом этмоқда. Олий Мажлис Қонунчилик палатаси депутати Олтиной Мамирова ҳам Жалакудук туманидаги Қутайба ибн Муслим зиёратгоҳига ана шундай эзгу мақсад билан кириб борди.

Маҳаллий кенгаш депутатлари ва партия фаоллари бу ташаббусни қўллаб-қувватлади. Зиёратгоҳда амалга оширилаётган яратувчилик ишлари билан танишган партиядошларимиз бу ҳаракатга қўшилди. Шу куни ҳашар ташкил этилиб, тозалов ишлари амалга оширилди. «Адолат» номи билан кўчатлар экилди.

Олтиной Мамирова, Олий Мажлис Қонунчилик палатаси депутати:

-Зарбдор 40 кунликда жалақудуқликлар фаол иштирок этаётгани эътиборли. Корхона ва ташкилотларда, маҳаллаларда экилган кўчатлар юртимизни яшилликка буркайди. Бугун зиёратгоҳда биз «адолатчилар» ҳам кўчат экиб, эзгу ҳаракатга ўз ҳиссамизни қўшдик. Экилган арча кўчатлари табиатимизни янада бойитади.

Тўйдихон Алибоева,

Олий Мажлис Қонунчилик палатаси депутати ёрдамчиси.