Молиявий жарималар қўллаш институти жорий этилмоқда

Қонунчилик палатасида “Рақобат тўғрисида”ги қонун лойиҳаси иккинчи ўқишга тайёрланмоқда. Унда монополияга қарши орган томонидан қонун ҳужжатларида белгиланган тартибда рақобат туғрисидаги қонун ҳужжатлари бузилган ҳолларда молиявий жарималар қўллаш институти жорий этилмоқда.

Жумладан, ваколатли органнинг олдиндан розилигини олмасдан хўжалик юритувчи субъектларни қўшиб олиш ва қўшиб юбориш орқали қайта ташкил этиш ва шунга ўхшаган ҳаракатлар орқали бозорда устун мавқега эга бўлиши учун ҳисоблаш миқдорининг минг баробари миқдорида молиявий жарималар белгиланмоқда.

Лекин, шу ўринда ҳақли савол туғилади. Бундай янги турдаги жарималарни ўйлаб топиш, улардан ундирилган маблағларнинг бир қисмини махсус жамғармаларга йўналтириш бугунги кунда олиб борилаётган очиқлик, тадбиркорликни қўллаб-қувватлаш сиёсатига қанчалик мос келади?

Чунки яқиндагина тадбиркорлар билан бўлган очиқ мулоқотда Давлатимиз раҳбари тадбиркорларга нисбатан янги турдаги жазо чораларини жорий қилишга 3 йиллик мораторий эълон қилган эди. Бундан ташқари, тадбиркорлик фаолиятини амалга ошириш тартиб-таомилларини мураккаблаштиришни назарда тутадиган норматив-ҳуқуқий ҳужжатларни кучга кириш муддатларини назарда тутиш Президент қарори билан белгиланган эди.

Мақсуд ҚУРБОНБОЕВ,

Олий Мажлис Қонунчилик палатаси депутати,

“Адолат” СДП фракцияси аъзоси