Қирғизистон Президентининг ташрифи якунланди

Ўзбекистон Республикаси Президенти Шавкат Мирзиёевнинг таклифига биноан Қирғизистон Республикаси Президенти Садир Жапаров 11-12 март кунлари давлат ташрифи билан мамлакатимизда бўлди.

11 март куни Кўксарой қароргоҳида Ўзбекистон Президенти Шавкат Мирзиёев ва Қирғизистон Президенти Садир Жапаровнинг музокаралари бўлиб ўтди. Унда икки мамлакат ўртасидаги дўстлик, яхши қўшничилик, ишонч ва стратегик шерикликка асосланган муносабатларни янада мустаҳкамлаш ва ривожлантириш масалалари муҳокама қилинди.

Музокаралар якунида кўп қиррали Ўзбекистон – Қирғизистон шериклигининг деярли барча йўналишларини қамраб олган 22 та ҳужжат имзоланди.

Қирғизистон раҳбари бугун, 12 март куни Ўзбекистон Республикаси Олий Мажлисининг иккала палатаси раҳбарлари ва Бош вазири билан учрашувлар ўтказди.

Президент Шавкат Мирзиёев ва Президент Садир Жапаров Кўксарой қароргоҳидаги Фахрий меҳмонлар хиёбонига кўчат ўтқазди.

 

Қирғизистон Президентининг ташрифи якунланди

Фоторепортаж:Қирғизистон Президентининг ташрифи якунланди

 

Қирғизистон Президентининг ташрифи якунланди

Фоторепортаж:Қирғизистон Президентининг ташрифи якунланди

 

Қирғизистон Президентининг мамлакатимизга ташрифи доирасида 11 март куни Яшнобод туманидаги Технопаркда Ўзбекистон – Қирғизистон бизнес форуми ва Ишбилармонлар кенгашининг биринчи йиғилиши бўлиб ўтган эди. Олий мартабали меҳмон мазкур Технопаркда бўлиб, бу ерда ташкил этилган “Ўзбекистонда ишлаб чиқарилган” кўргазмаси билан танишди.

Шу билан Қирғизистон Президенти Садир Жапаровнинг мамлакатимизга ташрифи якунланди.

Олий мартабали меҳмонни Ўзбекистон Республикаси Бош вазири Абдулла Арипов кузатиб қўйди.

ЎзА