Арнасой туманида иншолар тонловининг туман босқичи бўлиб ўтди

05.03.2021 18:03:10

Коррупция дунё миқёсида ҳал этилиши лозим бўлган глобал муаммоардан биридир. Шу боис унга қарши кураш халқаро аҳамият касб этиб, жаҳон сиёсатининг муҳим масалалари қаторидан жой олган.

Айни кунларда  Ўзбекистон “Адолат” социал-демократик партияси томонидан “Биз коррупцияга қаршимиз” шиори остида ўтказилаётган  иншолар танлови ўзининг қизғин палласига кирди.

Февраль ойида мактаблар миқёсида бўлиб ўтган танловда ғолибликни қўлга киритган ўқувчилар коррупцияга қарши курашиш бўйича билимларини янада мустаҳкамлаш мақсадида ташкил этилган танловнинг туман босқичида ўзларининг ижодий ишлари билан қатнашишди.

- Мамлакатимизда коррупцияга қарши курашиш борасида мустаҳкам ҳуқуқий асос яратилган, - дейди Ўзбекистон “Адолат” СДП Арнасой туман Кенгаши раиси Шавкат Худайқулов. - Бугунги бўлиб ўтаётган танлов ҳам ёшлар, уларнинг ҳуқуқ ва манфаатларини ҳар томонлама ҳимоя қилиш, жамиятда ўз ўринларини топишга жамиятда ўз ўринларини топишга кўмаклашишда муҳим аҳамият касб этади. Танлов давомида кўплаб ижодкор ёшларни кашф этдик ҳамда ўз иқтидорлари ва ижод маҳсулларини намойиш этишлари учун имконият яратишга ҳаракат қилдик.

Танлов айниқса, таълим тизимида коррупциянинг ҳар қандай кўринишига барҳам бериш ҳамда ёшларнинг ҳуқуқий саводхонлигини оширишда муҳим аҳамият касб этади.

Танловнинг туман босқичида ғолиб деб топилган ёшлар танловнинг вилоят босқичига йўлланмани қўлга киритишди.

 

Ўктам ҚУРБОНОВ,

Ўзбекистон “Адолат” СДП

Жиззах вилоят Кенгаши

мутахассиси

Улашинг!

Фикрингизни қолдиринг

Илтимос жавобингизни киритинг

+