Иншолар танловининг Қораўзак туман босқичи якунланди

Мамлакатимизда ўсиб келаётган ёш авлодни тарбиялаш давлат сиёсати даражасига кўтарилган бир вақтда ёшларда коррупцияга қарши ҳуқуқий онг ва ҳуқуқий маданиятни янада юксалтириш, уларни қонунларга ҳурмат руҳида тарбиялаш, мамлакатимиз олдида турган муҳим масалалардан биридир.

Айнан шу коррупцияга қарши курашни умумтаълим мактабларидан бошлаган «Адолат» СДП иншолар танловининг туман ва шаҳар босқларини жуда юқори савияда ўтказмоқда. Буни биз мактаб ўқувчиларининг танловда иштирок этишга бўлган интилишларидан, уларнинг ота-оналари ва ўқитувчиларининг қизиқишлари ва кенг жамоатчиликнинг хабардорлигидан билиш мумкин.

Шундай юқори савияда ўтказаётган партия Қорақалпоғистон Республикаси Кенгаши куни кеча Қораўзак тумани босқичини якунлади. Бугунги кунда Қораўзак туманида жами 33та умумтаълим мактаблари фаолият юритаётган бўлиб, шундан 1таси рус тилига, 30таси қорақалпоқ тилига, 2таси қозоқ тилига ихтисослашган мактаблар саналади. Иншолар танловининг туман босқичида жами 125 нафар 9-11 синф ўқувчилари ва 395 нафар 6-8 синф ўқувчилари фаол қатнашди.

Танлов якунида ғолибларни партия туман Кенгаши раиси, депутатлари ҳамда туман Халқ таълими бўлими раҳбари табриклади ва уларни диплом ва эсдалик совғалар билан тақдирлади.

Даулеталий ХУДАЙБЕРГЕНОВ,

Ўзбекистон “Адолат” СДП

Қораўзак тумани Кенгаши раиси