АҚШ санкциялар қўллаш билан боғлиқ стратегиясида босимни кучайтирмоқчи

Қўшма Штатлар президенти Жо Байден маъмурияти мамлакатнинг санкциялар қўллаш билан боғлиқ стратегиясини қайта кўриб чиқмоқчи.

Бу ҳақда The Wall Street Journal ҳукуматдаги расмий шахснинг маълумотига асосланиб хабар бермоқда.

Маълум қилинишича, Оқ уй бу борада босим миқёсини кенгайтириб, иқтисодий зарарни камайтирмоқчи.

Бунинг учун АҚШ бир томонлама санкциялар киритмасдан, бу ишни иттифоқчилари билан биргаликда қилиши мумкин.

Байден маъмурияти санкциялар бўйича сиёсий йўналишнинг асосий тамойилларини деярли белгилаб олган, бу йўналишдаги сиёсат ёзнинг охирида тасдиқланиши лозим.