Данияда COVID-19 чекловларига қарши намойиш бошланди

01.03.2021 12:03:35

Дания пойтахти Копенгагенда юзлаб одамлар COVID-19 тартибига қарши норозилик билдиряпти.

Шаҳар маркази намойишчилар билан тўлган, пандемияга қарши қўзғалон бошлаган одамларнинг, камида, саккиз нафари ҳибсга олинган. Бу борада “Euronews” хабар берди.

Мамлакат аҳолиси ҳукумат карантин чекловлари бўйича тўғри профилактика олиб бормаяпти, деган фикрда.

Копенгаген шаҳрида “Мен қора танли” фаоллар гуруҳи томонидан уюштирилган норозилик намойишида мингга яқин одам иштирок этди.

Данияда вакцина қабул қилган фуқаролар учун “Corona Pass” режаси эълон қилинди, бироқ бу ҳақдаги аниқ, батафсил маълумот ойдинлаштирилмади. Шу сабабли 600 дан зиёд одам байроқ ва машъала кўтариб кўчага чиқди.

Ҳукумат аъзолари таъкидлашича, мазкур чораларнинг барчаси коронавирус тарқалишини тўхтатиш учун қилинаётган ҳаракатдир.

600 киши шаҳар маъмурияти биносига етиб боргунга қадар, намойишчилар сафи мингдан ошиб кетган. Натижада мушакбозлик уюштирган, жамоат тартибини бузган фуқаролар полиция томонидан қўлга олинди.

Бугундан мамлакатдаги айрим ташкилотлар фаолиятини давом эттира бошлайди. Жумладан, дўконлар, спорт мажмуалари очилади. Бар, ресторан, ўрта мактаб ва университетлар эса 5 апрелгача ёпиқ.

Улашинг!

Фикрингизни қолдиринг

Илтимос жавобингизни киритинг

+