Трамп истеъфосидан кейин илк бор оммага кўриниш берди

АҚШнинг собиқ президенти Дональд Трамп лавозимини топширгандан буён илк бор маърузаси билан чиқиш қилиб, Жо Байденнинг президентлик фаолиятини танқид қилди.

Собиқ президентнинг таъкидлашича, Жо Байден олиб бораётган сиёсат туфайли АҚШ Россия нефтига қарам бўлиб қолади. Шунингдек, у келгуси президент сайловида иштирок этиши мумкинлигини ҳам айтиб ўтди.

"Биз йўлимизда давом этамиз, у ҳали тугамади. Биз енгамиз", - деди Дональд Трамп Орландо штатида конференцияда сўзга чиқиб.

Истеъфодаги президент ўз тарафдорларига “улар билан елкама-елка курашишга” ваъда берди, шунингдек, Демократик партияни “ёлғон ОАВ” учун айблади. “Улар республикачилар билан АҚШ келажаги учун “тарихий курашни” бошлашди, лекин улар бизни жим туришга мажбур қила олмайди”, – деди Трамп.

АҚШнинг собиқ раҳбари президент Жо Байден юритаётган сиёсатни ҳам қаттиқ танқид қилди. "Жо Байден президентлигининг биринчи ойи яқин тарихдаги барча президентларнинг фаолиятига қараганда энг фалокатлиси бўлди. У иш ўринларига, оилаларга, чегарага, энергетикага, аёллар ва фанга қарши эканини кўрсатди", – деди у.

Унинг таъкидлашича, Байден ўз сиёсати билан сиёсатнинг "Америка биринчи ўринда" тамойилини "Америка охирги ўринда" тамойилига алмаштирди.

Трамп шунингдек, Байден даврида АҚШ энергетика соҳасида эгаллаб турган қудратли мамлакат мақомини йўқотишини айтиб ўтди. "Биз энди нефт етказиб беришда Россия ва Яқин Шарққа қарам бўламиз", – огоҳлантирди собиқ президент.