Жо Байден Дональд Трампнинг Хитойга нисбатан сиёсатини тубдан ўзгартирмаслигини маълум қилди

ҚШдаги президентлик сайловларида ғолиб деб эълон қилинган Жо Байден президент Дональд Трампнинг Хитойга нисбатан сиёсатини тубдан ўзгартирмаслигини баён қилди.

“The New York Times” газетасига берган интервьюсида, жумладан, ўзаро савдо битимининг биринчи босқичидаги Хитой маҳсулотларига жорий қилинган 25 фоизлик, жами 250 миллиард долларлик божни бекор қилмаслигини маълум қилиб, Байден Хитой билан муносабатда янги изчил стратегия ишлаб чиқилишига ваъда берди.  

“Мен зудлик билан кўрилувчи чораларни режалаштирганим йўқ, бу тарифларга ҳам тегишли”, деди у.

Байденнинг фикрича, Хитой билан муносабатни АҚШ фақатгина ўз иттифоқчилари билан биргаликда белгилаши лозим.