Ёшлар -юртнинг юксак ишончи ва халқимизнинг эртанги умиди

Давлатимиз томонидан яратилаётган имкониятлардан унумли фойдаланаётган йигит –қизлар ўзининг юксак азму шижоати, билим ва салоҳияти, истеъдод ва қобилиятини намоён этиб турли соҳаларда эришган ютуқлари билан Янги Ўзбекистон тараққиётига муносиб ҳисса қўшмоқда. Шу юртни фарзандларининг ҳар бири давлатимизнинг, Президентимизнинг доимий эътибори, ғамхўрлигидан баҳраманд бўляпти. Янги Ўзбекистон боғида 30-июнь-Ёшлар куни муносабати билан ташкил этилган байрам тадбирида ҳам бу жиҳатлар яққон намоён бўлди.

Айнан ана шу кўркам боғда Ўзбекистон Республикаси Президенти Шавкат Мирзиёевнинг Ёшлар кунига бағишланган тантанали маросимдаги маърузаси менда ёрқин таассурот қолдирди. Давлатимиз раҳбарининг  сўзлари ва ташаббуслари навқирон биз авлодга катта мотивация бағишлади, десам муболаға бўлмайди.

Давлатимиз раҳбари ўз нутқида ёшлар замонавий илм-фан ва юқори технологияларни мукаммал эгаллаши зарурлиги, бунинг учун барча куч ва имкониятлар ишга солинишини айтиб ўтди. Истеъдодли болалар учун имконият яратиш, кўрик-танловларнинг ғолиб ва совриндорларини доимий қўллаб-қувватлаш доимий давом этажаклиги таъкидланди.

Ёшлик-зангор фаслдир дейишади. Ана шу фаслнинг соҳиблари- мамлакат тараққиёти ва эртанги кунини белгиловчи ёшларнинг эртанги тақдири ҳақида қайғуриш бугуннинг фавқулодда долзарб вазифасидир. Бутун мамлакат, қолаверса шахсан Президентимизнинг ўзи қўллаб-қувватлаётган экан ишонч билан айтишимиз мумкинки, жамият ривожи учун эртага бизлар янги куч сифатида майдонга киришимиз аниқ.

Айтиш керакки, 30-июнни календарга муҳим кун сифатида белгиланганлигига кўп бўлгани йўқ. Мана уч  йилдирки, ушбу кун Ўзбекистон Ёшлари куни сифатида белгиланиб ёшлар ҳаётида нимаики катта мақсад ва режа бор, шу кун атрофида оммага эълон қилинади. Халқ билан мулоқотдан бошланиб, “Инсон қадри учун” деган тамойилда руҳ олган залворли ишлар бугун “Инсон-жамият-давлат” деган принциплар билан Янги Ўзбекистоннинг илдизларини мустаҳкамламоқда. Амалга оширилаётган ислоҳотлардан энг биринчи навбатда кимлар манфаатдор, албатта мамлакат аҳолисининг катта қисмини ташкил этувчи 30 ёшгача бўлган йигит-қизлардир. Тўғри, тараққиётга эришишнинг йўллари кўп. Энг мақбули бу илм-фандир. Шу маънода айтиш мумкин-ки, ёшларга замонавий билим бериш, уларни бандлигини таъминлаш ҳамда келажак касбларига тайёрлаб бориш мамлакатимизнинг айни авлод сиёсатидаги энг муҳим йўналишлардир. Ўз ўзидан маълумки, бугунги шиддатли замонда глобал миқёсда рақобат кучайиб бораётган мураккаб вазиятда юксак интеллектуал салоҳиятга эга кадрларга эҳтиёж ҳар қачонгиданда ортиб бормоқда.

 Президентимизнинг нутқидаги берилаётган имкониятлар биз каби ёшларнинг Ўзбекистоннинг келажаги бўлган ёшлар учун жуда катта ғурур ва масъулият ҳисобланади. Мазкур нутқ бизга жуда катта мотивация берди.

Президентимиз ўз нутқида “Темир дафтар”га киритилган оилаларнинг ҳамма фарзандлари учун йилда бир маротаба мактаб формаси ҳамда ўқув қуроллари сотиб олиниши 100% давлат томонидан қоплаб берилиши айтиб ўтди.

Шунингдек, Президентимиз мамлакатимизда “Ёшлар дафтари”га киритилган ёшларга замонавий касблар, ахборот технологиялари ва хорижий тилларни ўрганиши учун ҳар бирига ойига 1 миллион 200 минг сўмдан субсидия берилишини эътироф этди. Шунингдек, ёшларга илм-фан, спорт, санъат ва маданият йўналишларидаги тўгараклар учун 6 ой давомида 300 минг сўмдан пул тўланиши ҳам таъкидланди.

Бу каби белгиланаётган шарт-шароитлар, енгилликлар ва имкониятлар биз ёшларнинг етук билим эгаси ва фаровон ҳаёт давомчилари бўлиб шаклланишимизда мустаҳкам пойдевор вазифасини ўтайди. Ёшлар дафтарига киритилган ёшларга замонавий касблар, ахборот технологиялари ва хорижий тилларни ўрганиши учун ҳар бири маблағ билан таъминланишини айтиб ўтди.

 Зотан, халқимиз, ватанимиз бизлардан буюк ишлар кутаётганини ҳеч қачон ёдимиздан чиқармаслигимиз зарур! Юртнинг юксак ишончи ва умидини тўла оқлаш, унга муносиб бўлиш дунёдаги энг улуғ бахтдир. Шундай шараф барчамизга насиб этсин!

Бекзод Чориев,

Ёшлар Парламенти аъзоси