Аёл оила ва жамият тарбиячиси

Бугунги кунда жамиятда хотин-қизларнинг фаоллигини ошириш, ҳуқуқий маданияти ва маънавиятини юксалтириш долзарб вазифага айланди. Чунки аёл нафақат оиланинг, бутун жамиятнинг тарбиячиси.

Олий Мажлис Қонунчилик палатаси депутати Олтиной Мамирова Жалақудуқ туманида фаолият юритаётган «Бувижонлар мактаби» кенгаши аъзолари билан айни шу мақсадда маҳаллаларга кириб борди. Уй бекалари ва кекса онахонлар иштирокида ташкил этилган тадбирда аёлнинг жамиятдаги роли, оила институтини мустаҳкамлаш ва ёшлар тарбиясида кекса авлод вакилларининг ўрни хусусида сўз борди. Жиноятчиликларни олдини олиш ва гендер тенглигини таъминлашда уларнинг фаоллиги асосий омил эканлиги таъкидланди.

Миллийлигимизни ифодаловчи саҳналаштирилган чиқишлар, миллий либослар кўргазмаси жалақудуқлик аёлларнинг фаоллигини кўрсатди. Пиру бадавлат онахонларнинг оила ва фарзанд тарбияси мавзусидаги сўзлари иштирокчилар томонидан қўллаб-қувватланди.

Тўйдихон Алибоева,
Олий Мажлис Қонунчилик палатаси депутати
ижрочи котиби.