Партия депутати сенатор  бўлди

Ислом Каримов номидаги Фарғона  вилоят театр-концерт саройида Халқ депутатлари вилоят, шаҳар ва туман Кенгашларининг Олий Мажлис Сенати аъзолари сайлови бўйича қўшма мажлиси бўлиб ўтди.

Унда 603 нафар маҳаллий кенгашлар депутатлари иштирок этди. Кун тартибига битта масала - бўшаб қолган икки ўринга Олий Мажлис Сенати аъзоларини сайлаш масаласи киритилди.

Бўшаб қолган ўринларнинг бирига Халқ депутатлари Фарғона вилоят Кенгашидаги Ўзбекистон “Адолат” СДП депутатлик гуруҳи раҳбари, вилоят "Она ва бола" скрининг маркази директори Манзура Салимова  номзоди кўрсатилди ҳамда  яширин овоз бериш йўли билан Ўзбекистон Республикаси Олий Мажлис Сенати аъзоси этиб сайланди.

Ўзбекистон "Адолат" СДП Фарғона вилоят Кенгаши, партия депутатлари ва фаоллари номидан  Салимова Манзура Алимовнанинг келгуси фаолиятига  улкан зафарлар тилаймиз!

 Ўзбекистон “Адолат” СДП Фарғона вилоят Кенгаши матбуот хизмати