Янгиликлар 374
Аёллар тиббий кўрикдан ўтказилмоқда
22.05.2024 22:05:12
Наманган вилоят онкология ва радиология тиббий маркази ҳудудларда истиқомат қилаётган аёлларни тиббий кўрикдан ўтказмоқда.«Адолат» СДП Тўрақўрғон туман Кенгаши раиси Заҳрохон Аҳмедованинг маълум қилишича, вилоят онкология ва радиология марказининг бир гуруҳ вакиллари туманда истиқомат қилаётган 45 ёшдан 65 ёшгача бўлган аёлларни кўчма тиббий техник анжомлар ёрдамида кўрикдан ўтказмоқда. Бундай имконият яратилганидан аёллар мамнун. Чунки ўзидан ортиб, вилоят марказида жойлашган шифохонада тиббий кўрикдан ўтиб келиш ҳар кимнинг ҳам хаёлига келмайди. Шифокорлар томонидан бемор аёлларга соғлом турмуш тарзига риоя қилишни ҳамда спорт билан шуғулланишини айтиб ўтишди.
«Адолат» СДП
Наманган вилоят Кенгаши
Матбуот хизмати.
Фикрингизни қолдиринг