Депутатга саволим бор

Ўзбекистон “Адолат” СДПдан сайланган халқ депутатлари Андижон вилоят кенгаши депутати Насиба Тўйчиева билан Андижон давлат университети талабаларининг учрашуви ана шундай номланди. Тарих, ҳуқуқ ва миллий истиқлол ғоялари йўналишларида таҳсил олаётган ёшларга дастлаб депутатлик институти ҳақида тушунча берилди.
Сиёсий майдонга кириб келаётган талабалар халқ вакилига ўзларини қизиқтирган саволлар билан мурожаат қилишди. Депутатлик масъулияти ва сайловчилар ишончи тадбирнинг бош мавзусига айланди.

Насиба Тўйчиева, халқ депутатлари Андижон вилоят кенгаши депутати:
- Талабаларнинг учрашувга таклифининг ўзи мени қизиқтирди. Аксарияти бу йил биринчи бор сайловда иштирок этадиган сайловчилар. Улардаги ташаббускорлик, дадиллик ва Ўзбекистоннинг бугунги сиёсатини ўрганиб бораётгани қувонарли. Саволлари ҳам ўринли. Кўпчилиги ўз олдига депутат бўлишни мақсад қилиб қўйган. Депутат доим халқ хизматида бўлиши, муаммолар ечимини топиши лозимлигини тушунгач, улардаги қизиқиш янада ортди.
Тадбирда сайлов қонунчилигига киритилган ўзгаришлар ва сиёсий партиялар фаолияти юзасидан ҳам иштирокчиларга тушунча берилди.

Ўзбекистон “Адолат” СДП
Андижон вилоят кенгаши
Матбуот хизмати.