Фаолларимиз «Ўзбекистон Конституциясининг 30 йиллиги» эсдалик нишони билан тақдирланди!

Айни кунларда 8 декабрь – Ўзбекистон Республикаси Конституцияси қабул қилинганининг 30 йиллиги муносабати билан таъсис этилган «Ўзбекистон Конституциясининг 30 йиллиги» эсдалик нишони мамлакатимиз мустақиллигини мустаҳкамлаш, унинг иқтисодий, сиёсий, ижтимоий, илмий, маънавий салоҳиятини юксалтириш йўлида хизмат қилаётган барча соҳа вакилларига тантанали равишда топширилмоқда.

Қувонарлиси, юксак эътирофга лойиқ деб топилганлар орасида Ўзбекистон «Адолат» СДП Сиёсий Кенгаши Марказий аппарати вакиллари ҳам бор.

Бугун Марказий аппарати мажлислар залида мазкур эсдалик нишонларини топширишга бағишланган тантанали тадбирда партия Сиёсий Кенгаши раиси ўринбосари Сулаймонов Умиджон Қурбонович, шунингдек, партия Марказий аппарати бошқарма бошлиқлари Сарвар Эргашев, Феруза Анварова, бўлим бошлиқлари Райҳона Ўрмонова, Анвар Тўлаганов ҳамда партия Марказий аппарати етакчи мутахассиси Дониёр Нурмуҳаммедов партия Сиёсий Кенгаши раиси Абдуҳалимов Баҳром Абдураҳимович қўлидан ушбу юксак мукофотни қабул қилиб олдилар.

Фидокорона меҳнатлари муносиб эътироф этилган сафдошларимизни Ўзбекистон «Адолат» СДП Сиёсий Кенгаши Марказий аппарат жамоаси, кўп минг сонли партия аъзолари номидан самимий қутлаб, уларга мустаҳкам соғлик, келгуси иш фаолиятида муваффақиятлар тилаймиз!