Халқнинг овози ҳақ овоз

Айни кунларда “Ўзбекистон Республикаси Конституциясига ўзгартиш ва қўшимчалар киритиш тўғрисида”ги қонун лойиҳаси умумхалқ муҳокамасида. Бу сиёсий жараёнда фуқароларнинг фаол иштирок этаётгани қувонарли. Конституциямизга ўзгартишлар киритиш бўйича 60 мингдан ортиқ таклифлар келиб тушгани айтилмоқда. Демак, Қонун лойиҳаси жамоатчилик томонидан қўллаб-қувватланяпти.

Албатта. андижонликлар ҳам лойиҳани ўрганиб, ўз таклифларини билдирмоқда. Бу бежиз эмас. Аввало фуқаролар юрт келажагига эътибор билан қараётган бўлса, ўз ўрнида янги ҳаётга қадам қўймоқда. Унинг қандай бўлиши Конституциямизга киритилаётган ўзгартишлар билан боғлиқ . Шу сабабли, юртдошларимиз бу муҳим ислоҳотга дахлдорлик билан ёндашмоқда.

Жамоатчилик томонидан билдирилган таклифлар қаторида прописка масаласи ҳам борлиги эътиборли. Бу одамларни қийнаб келаётган муаммолардан бири эди. Эндиликда киритилаётган таклиф билан Ўзбекистон фуқаролари республикамиз ҳудудида эркин ҳаракатланиши мумкин.

Юқоридаги каби ҳар бир билдирилган таклиф фуқароларнинг дилидаги таклифдир. Зеро, халқнинг таклифи, овози билан келажагимиз учун хизмат қиладиган мукаммал Қонун яратилади.

Иброхимжон Митиллаев,

халқ депутатлари Андижон вилоят Кенгаши депутати.