Хива йўллари яхшиланмоқда

Аввал хабар берганимиздек, партиянинг вилоят, шаҳар ва туман Кенгашлари  ташаббуси билан вилоятимиз бўйлаб, сайловчиларнинг эътирозига сабаб бўлиб келаётган ички йўлларнинг  носозликлари юзасидан ўрганиш ишлари олиб борилмоқда ва тегишли сессиялар кун тартибига киритилиб, йўл муаммосига  барҳам бериш ишлари давом этмоқда. 

Хусусан,  Хива туманидаги маҳаллий аҳамиятга эга 4 Н 1934 "Гандимиён- Ғовуккўл" A йўлининг яроқсиз ҳолатга келиб қолгани боис, йўловчилар  учун қийинчиликлар туғдираётган эди.

Сайловчилар эътирозларига асосан, партиянинг Хива туман Кенгаши ҳамда туман депутатлари ҳамкорликда ўрганиш ишлари олиб борилди ва туман йўллардан фойдаланиш унитар корхонасига қилинган мурожаат қанотлантирилди.

Мазкур йўлнинг уч километргача бўлган масофаси асфальтлаштирилди.

Йўл муаммоси бартараф этилиб, эндиликда  йўловчилар эмин-эркин,  муаммоларсиз  манзилига етиб борадиган бўлишди.

                                                                                                           Замира АБДУЛЛАЕВА,

                                                                                                      Ўзбекистон “Адолат” СДП

                                                                                Хоразм вилоят Кенгаши матбуот котиби