Хотин-қизларнинг жамиятдаги мавқейини янада мустаҳкамлаш

Ўзбекистонда хотин-қизларнинг жамиятдаги ўрни ва мавқейини янада мустаҳкамлаш бугунги кун талабидир

Тарихимизга бир назар солсак, қанчадан қанча буюк ишлар бошида Тўмарис, Бибихоним, Нодирабегим, Увайсий, Зулфия каби аёллар турганига гувоҳ бўламиз.

Улар ўз жасорати, ақл-идроки ва мардлиги билан тарихга ўз исмларини муҳрлаб қўйган. Шундай сиймолар давомчилари эканлигимизнинг ўзиёқ бугунги кун хотин-қизларга ғурур ва шараф туйғуларини ҳис қилишга сабаб бўла олади.

Юртимиз мустақилликка эришгач, хотин-қизларнинг ҳар соҳада ижтимоий-сиёсий фаоллигига бўлган эътибор юксалди. Мамлакатимизда хотин-қизларнинг ижтимоий-сиёсий фаоллигини ошириш, уларнинг турли соҳа ва тармоқларда ўз қобилият ҳамда имкониятларини рўёбга чиқариши учун керакли бўлган шарт-шароит яратиш, ҳуқуқ ва қонуний манфаатларига сўзсиз риоя қилинишини таъминлаш, оналик ва болаликни ҳар томонлама қўллаб-қувватлаш, шунингдек, оила институтини мустаҳкамлаш борасида кенг қамровли ишлар амалга ошириб кэлинмоқда.
Жумладан Пастдарғом туманида жойлашган 3-сон касб-ҳунар мактабида “Ўзбекистонда хотин-қизларнинг жамиятдаги ўрни ва мавқейини янада мустаҳкамлаш” мавзусида давра суҳбати ташкил этилди. Йиғилишда “Aдолат” социал демократик партияси Пастдарғом туман Кенгаши, “Aёллар қаноти” фаоллари, туман депутатлари ҳамда касб-ҳунар мактаби фаол хотин-қизлари иштирок этишди.
Давра суҳбати давомида, йиғилганларга Халқ депутатлари Самарқанд вилоят Кенгаши депутати Инобат Бобоқулова жамият ривожини хотин-қизларсиз, уларнинг иштирокисиз тасаввур этиб бўлмаслиги, шу боис аёлларнинг оилада ҳам, давлат ва жамоат ишларида ҳам эмин-эркин фаолият юритишлари, уларнинг ҳуқуқ ва манфаатларини рўёбга чиқариш йўлида мамлакатмиз миқёсида қатор чора-тадбирлар ишлаб чиқилиб, ҳаётга татбиқ этилаётганлиги ҳақида маъруза қилди.

Хонбуви Ҳайитова,
“Aдолат” СДП Самарқанд вилояти, Пастдарғом туман Кенгаши раиси.